স্বাস্থ্য প্ৰতিবেদনঃ
ক’ৰোনা ভাইৰাছৰ কাৰণে আটাইতকৈ বেছি চিন্তাৰ কাৰণ বয়সস্থ লোকসকল৷ বিশেষজ্ঞ আৰু চিকিৎসকসকলে এনেদৰেই কয়। বয়সস্থসকলে বহু সময়ত নিজে নিজৰ খেয়াল ৰাখিব নোৱাৰে। কোনো কোনো শিশুৰ দৰে হৈ যায়।
এই সময়ত সেয়ে আমি খেয়াল ৰাখিব লাগিব ঘৰৰ বয়সীয়াল লোকসকলৰ প্রতি। মনত ৰাখিব লাগিব আমাৰ অসতর্কতা, অসাৱধানতা বা কাণ্ডজ্ঞানহীনতাৰ বাবে যেন এনে কোনো অপ্রীতিকৰ পৰিস্থিতি সৃষ্টি নহয় যাৰ বাবে ঘৰৰ বয়স্ক সদস্যক হস্পিটেলত ভর্তি কৰাবলগীয়া হয়, কিম্বা চিকিৎসক মাতিবলগা হয়। বয়স্কসকলে কিছু নিয়ম মানি চলিব লাগিব।
* শুই-বহি সম্পূৰ্ণ অলস জীৱন নকটাব। বৰং এই সময়ত পৰিয়ালৰ অন্যান্য সদস্য, বিশেষকৈ নাতি-নাতিনীসকলৰ সৈতে বেছি সময় কটাওক।
* কম তেল, জলকীয়া, মচলাৰ খাদ্য খাওক।
* ফ্রিজত ৰখা বাহি খাদ্য নাখাব।
* যিমান সম্ভৱ সহজ-সৰল আৰু নৰম খাদ্য খাব লাগিব।
* পর্যাপ্ত পানী খাওক, ডিহাইড্রেচন এৰাই চলক। কোনো অৱস্থাতেই কোমল পানীয় নাখাব।
* মদ্যপান, ধূমপানৰ পৰা বিৰত থাকক, বিশেষকৈ চিঅপিডি বা হাঁপানি যিসকলৰ আছে।
* স্নান কৰক দুপৰীয়াৰ ভিতৰতেই। পলম হ’লে গা ধোৱাৰ পৰা বিৰত থাকক, বিয়লি গা একেবাৰেই নুধুব।
* ঘৰৰ ভিতৰতেই লঘু জগিং, যোগাভ্যাস কৰক।
* চর্দি, কাহ, ডিঙিৰ বিষ, জ্বৰ, শ্বাসকষ্ট, ডায়েৰিয়াৰ কোনো লক্ষণ দেখা দিলে অৱশ্যেই চিকিৎসকক দেখুৱাওক। পেৰাচিটামল, চেটিৰিজিন বা লিভোচেটিৰিজিনৰ বাহিৰে অন্য কোনো ঔষধ চিকিৎসকৰ পৰামর্শ অবিহনে নাখাব।
* ঘৰতো মাস্ক ব্যৱহাৰ কৰক। ছার্জিকেল বা মেডিকেল মাস্ক পৰিধান কৰক। ব্যৱহাৰৰ পিছত ঢাকনিযুক্ত ডাষ্টবিনত পেলাই দিয়ক।
