ASSAM TIMES POST
ডিফু:যোৱা ১৬ জুনত ডিফুৰ আৱৰ্ত ভৱনত বিভিন্ন দল- সংগঠনৰ সৈতে ক’ভিড -১৯ক লৈ জিলা উপায়ুক্ত মুকুল কুমাৰ শইকীয়াৰ অধ্যক্ষতাত অনুষ্ঠিত হোৱা বৈঠকৰ সিদ্ধান্ত মৰ্মে আজি একাংশ দল- সংগঠনৰ যুটীয়া সঁজাতি দলে উক্ত কাৰ্যত সহযোগিতা আগবঢ়াবলৈ পলিটেকনিক আৰু জেএনভি দুটা কোৱাৰেণ্টাইন কেন্দ্ৰ পৰিদৰ্শন কৰে ৷
দলটোৱে উক্ত বৈঠকৰ সিদ্ধান্ত অনুসৰি বিভিন্ন কোৱাৰেণ্টাইন কেন্দ্ৰত বিভিন্ন অভাৱ- অভিযোগবোৰ বুজ লবলৈ কেন্দ্ৰ দুটা পৰিদৰ্শন কৰে ৷ আজি বিয়লি ডিফু থানাৰ অ’চি চিৰাজ ইংতিৰ নেতৃত্বত কেএছএ, ডিএছইউ,কেএনএ আৰু জিএছউৰ লগতে সাংবাদিকৰ যুটীয়া সঁজাতি দলটোৱে পলিটেকনিক আৰু জেএনভিৰ পলিটেকনিক কেন্দ্ৰটোত থকা লোক সকলৰ অভাৱ অভিযোগবোৰ শুনাৰ লগতে কেন্দ্ৰকেইটাৰ চৌপাশ পৰিষ্কাৰ পৰিচ্ছন্নৰ লগতে বিভিন্ন দিশত সজাগতা সন্দৰ্ভত আলোচনা কৰে ৷
লগতে কোৱাৰেণ্টাইনত থকা লোক সকলক ক’ভিড ১৯ৰ নীতি- নিয়ম অনুসৰি ধৈৰ্য সহকাৰে সহযোগিতা আগবঢ়াবলৈ আহ্বান জনায় ৷ উল্লেখযোগ্য যে, বিভিন্ন দল সংগঠন, সাংবাদিক আৰু অংশীদাৰ সকলক লৈ ক’ভিড-১৯ ক লৈ জিলা উপায়ুক্তই আৰম্ভ কৰা হুৱাটছএপ গ্ৰুপৰ কামে অগ্ৰগতি লাভ কৰিছে বুলি জানিব পৰা গৈছে ৷
