ASSAM TIMES POST
বিশেষ প্ৰতিবেদন:
আয়ুস মন্ত্ৰালয়ৰ মতে আমি ঘৰতে যদি কেইটামান নিয়ম সঠিকভাৱে পালন কৰো তেতিয়াহ’লে আমাৰ শৰীৰৰ ৰোগ প্ৰতিৰোধ ক্ষমতা দিনক দিনে বৃদ্ধি পাব আৰু যিকোনো সংক্ৰমণৰ পৰা হাত সাৰিব পৰা যাব। এই নিয়ম কেইটা কি জানোঁ আহক :
১) শৰীৰত যাতে মাৰাত্মক ক’ৰ’ণাভাইৰাছৰ সংক্ৰমণ নঘটে আৰু ইয়াৰ উপৰি সচৰাচৰ যাতে কোনো ৰোগ নহয় তাৰ বাবে নিয়মিতভাৱে দৈনিক এক গিলাচকৈ গৰম পানী খোৱা উচিত।
২) শৰীৰক সুস্থ কৰি ৰাখিবলৈ নিয়মিত শৰীৰ চৰ্চা অৱশ্যেই প্ৰয়োজন। সেয়ে প্ৰতিদিনে অন্তত ৩০ মিনিটকৈ হ’লেও প্ৰাণায়াম আৰু যোগাসন কৰক।
৩) আপোনাৰ প্ৰতিদিনৰ খাদ্য তালিকাত অৱশ্যেই হালধি মিশ্ৰিত গৰম গাখীৰ পান কৰক।, ইয়াৰ দ্বাৰা শৰীৰৰ ৰোগ প্ৰতিৰোধ ক্ষমতা বৃদ্ধি পাব আৰু যিকোনো ৰোগ সংক্ৰমণৰ পৰা মুক্তি পাব।
৪) তুলসীৰ পাত, জালুক আৰু শুকান আদা পানীত মিহলাই গৰম কৰি নিয়মিতভাৱে পান কৰক। তাত নেমুৰ ৰসো দিব পাৰে।
৫) প্ৰতিদিনে পুৱা নিয়ম মতে চৱনপ্ৰাছ খোৱাৰ অভ্যাস কৰক আৰু প্ৰতিদিনৰ ৰন্ধন কাৰ্যত অধিককৈ ধনীয়া পাত, নহৰু আৰু আদা ব্যৱহাৰ কৰক।
