ASSAM TIMES POST
ডিফু :অসম-নাগালেণ্ড সীমান্তত এ কে ৪৭ ৰ বৃহৎ সংখ্যক সক্ৰিয় গুলী সহ এজন লোক আটক হোৱা ঘটনাত চাঞ্চল্যৰ সৃষ্টি হৈছে ৷ প্ৰাপ্ত খবৰ অনুসৰি দেওবাৰে অসম-নাগালেণ্ড সীমান্তত খটখটী থানাৰ ভাৰপ্ৰাপ্ত বিষয়া মব্লিক ব্ৰক্ষ্মৰ নেতৃত্বত আৰক্ষীৰ এটা দলে সীমান্তঞ্চল লাহৰিজানত তালাচী চলাই ৩০ জাঁইকৈ সক্ৰিয় গুলী উদ্ধাৰ কৰিবলৈ সক্ষম হয় ৷
লাহৰিজানৰ আব্দুল কাছিম নামৰ এজন লোকৰ এখন গেলামালৰ দোকানৰ পৰা উদ্ধাৰ কৰা এই সক্ৰিয় গুলীখিনি এ কে ৪৭ ৰাইফলৰ হয় বুলি আৰক্ষীয়ে জানিবলৈ দিছে ৷
উল্লেখযোগ্যযে যোৱা কিছুদিনৰ পৰা খটখটী আৰক্ষীয়ে ড্ৰাগছৰ বিৰুদ্ধে অভিযান চলাই থকাৰ মাজতে উক্ত গেলামাল দোকানখনৰ পৰা এ কে ৪৭ ৰাইফলৰ বৃহৎ পৰিমানৰ সক্ৰিয় গুলীখিনি উদ্ধাৰ হোৱা ঘটনাত বিশেষ তাৎপৰ্য বহন কৰিছে ৷ ধৃত কাছেম আলীক অধিক তথ্যৰ বাবে আৰক্ষীয়ে জেৰা অব্যাহত ৰাখিছে বুলি জানিব পৰা গৈছে ৷
