ভাৰতীয় ৰে’লত পুনৰ বৃদ্ধি পাইছে চুৰিকাণ্ডৰ ঘটনা। দুই-তিনি দিনৰ মূৰে মূৰে ৰেলত চুৰিৰ ঘটনা সংঘটিত হোৱাত আতংকিত হৈ পৰিছে যাত্ৰীসকল। যদিও RPF আৰু GRP-এ ধাৰাবাহিকভাৱে অভিযান চলাই কেইবাজনো চোৰক আটক কৰিছে, তথাপিও ৰেলত চোৰৰ সন্ত্ৰাস সম্পূৰ্ণৰূপে বন্ধ হোৱা নাই।
ইয়াৰ মাজতে আজি লামডিং জংচনত RPF-ৰ অভিযানত আটক হৈছে দুই কুখ্যাত চোৰ।লামডিং জংচনৰ ৫ নং প্লেটফৰ্মত RPF-ৰ দলে অভিযান চলাই দুজন কুখ্যাত চোৰক আটক কৰিবলৈ সক্ষম হয়।
আটকাধীন দুজনৰ নাম ছাহাৱ উদ্দিন আৰু চিৰাজ হক বুলি জানিব পৰা গৈছে। দুয়োজনৰে ঘৰ ডবকা অঞ্চলত বুলি জানিব পৰা গৈছে।
আৰক্ষীৰ সূত্ৰ অনুসৰি, ধৃত দুয়োজনৰ পৰা উদ্ধাৰ কৰা লাগেজ বেগটো এগৰাকী মহিলা যাত্ৰীৰ বুলি জানিব পৰা গৈছে। পৰৱৰ্তী সময়ত লামডিং RPF-এ আটকাধীন দুয়োজনক অধিক তদন্তৰ বাবে ৰেল আৰক্ষীৰ হাতত গতাই দিয়ে। বৰ্তমান ঘটনাটোৰ তদন্ত অব্যাহত আছে।
