কাৰ্বি আংলং স্বায়ত্তশাসিত পৰিষদৰ চিইএম তথা ৰংখাং বিধানসভা সমষ্টিৰ বিধায়ক তুলিৰাম ৰংহাঙৰ পিতৃ জয়ছিং ৰংহাঙৰ দেহাৱসান।
সু-শিক্ষক জয়ছিং ৰংহাঙে বুধবাৰে পুৱতি নিশা পশ্চিম কাৰ্বি আংলঙৰ ডংকামকামৰ আৰ্টুকেকাংস্থিত নিজ বাসভৱনতে শেষ নিশ্বাস ত্যাগ কৰে। বাৰ্ধক্যজনিত ৰোগত মৃত্যু হোৱা জয়ছিং ৰংহাঙৰ মৃত্যুৰ সময়ত বয়স ৯০ বছৰৰ অধিক আছিল।
ডংকামকামৰ ৰাম ৰংপী প্ৰাথমিক বিদ্যালয়ৰ অৱসৰপ্ৰাপ্ত প্ৰধান শিক্ষক জয়ছিং ৰংহাঙে মৃত্যুৰ সময়ত কাৰ্বি আংলং স্বায়ত্তশাসিত পৰিষদৰ চিইএম তুলিৰাম ৰংহাংসহ পাঁচগৰাকী পুত্ৰ আৰু তিনিগৰাকী জীয়ৰীক ইহসংসাৰত এৰি থৈ যায়।
