পাৰ্টীৰ সময়ত (In party) দুই বন্ধুৱে বেছিকৈ মুৰ্গীৰ মাংস (Chicken meat) খোৱাক লৈ তৰ্ক-বিতৰ্ক কৰিছিল। কিন্তু এই বিবাদৰ (Controversial) পৰিণতি যে ৰক্তাক্ত হ’ব সেই কথা পাৰ্টীত থকা আনসকলে কল্পনাও কৰিব নাছিল। অভিযোগ অনুসৰি, কাজিয়াৰ সময়ত এজন বন্ধুৱে আনজনৰ বুকুত ছুৰীৰে আঘাত (Cut with a knife) কৰে।
কৰ্ণাটকৰ বেলাগাভী (Belagavi, Karnataka) জিলাৰ মুদলাগী তালুকৰ হুন্সিয়াল পি জি গাঁৱত সংঘটিত হৈছে এই ঘটনা। নিহত সীতাৰামৰ ঘৰ উত্তৰ প্ৰদেশৰ পিলিভীট জিলাৰ কবীৰগঞ্জ গাঁৱত। তেওঁ কৰ্মসূত্ৰে মুদলাগীত বাস কৰিছিল। তাত তেওঁ তীখাৰ কাৰখানাত কাম কৰিছিল। অভিযুক্ত অৰুণ কুমাৰেও সেই কাৰখানাটোতে কাম কৰি আছিল। তেৱোঁ কবিৰগঞ্জৰেই বাসিন্দা।
আৰক্ষীৰ সূত্ৰ অনুসৰি, দুয়ো বন্ধুৰ লগতে আন দুজনমানে একেলগে পাৰ্টী কৰি আছিল। অভিযোগ অনুসৰি, অৰুণতকৈ সীতাৰামে মাংসৰ টুকুৰা বেছিকৈ খাইছিল। সেই কথাই অৰুণক ক্ষোভিত কৰি তুলিলে। ফলত দুয়ো বন্ধুৰ মাজত কাজিয়া আৰম্ভ হয়। তীব্ৰ তৰ্কৰ মাজতে অৰুণে সীতাৰামৰ বুকুত ছুৰীৰে আঘাত কৰে। পিছত সীতাৰামক চিকিৎসালয়লৈ লৈ যায়।
চিকিৎসকক জনোৱা হয় যে সীতাৰাম এটা অট্টালিকাৰ ছাদৰ পৰা পৰিছিল। অৱশ্যে চিকিৎসকে যুৱকজনক পৰীক্ষা কৰাত তেওঁৰ বুকুত চোকা অস্ত্ৰৰ আঘাতৰ চিন পোৱা যায়। চিকিৎসকে তেওঁক মৃত বুলি ঘোষণা কৰে আৰু আৰক্ষীক খবৰ দিয়ে। মৃতদেহটো মৰণোত্তৰ পৰীক্ষাৰ বাবে প্ৰেৰণ কৰা হৈছে। আৰক্ষীয়ে হত্যাৰ গোচৰ ৰুজু কৰি তদন্ত আৰম্ভ কৰিছে।
