আৰু মাত্ৰ কেইঘণ্টামানৰ অপেক্ষা। ইয়াৰ পিছতে আৰম্ভ হ’ব বিশ্ব ফুটবলৰ মহাৰণ। ভাৰতীয় সময় অনুসৰি, বৃহস্পতিবাৰে মাজনিশাৰ পৰা আৰম্ভ (Starting from Thursday noon) হ’ব ফিফা বিশ্বকাপ ২০২৬ (FIFA World Cup 2026)। এইবাৰৰ বিশ্বকাপ যুটীয়াভাৱে আয়োজন কৰিছে আমেৰিকা, মেক্সিকো আৰু কানাডাই। আনহাতে, এইবাৰ প্ৰথমবাৰৰ বাবে তিনিখন দেশত তিনিটাকৈ উদ্বোধনী অনুষ্ঠান অনুষ্ঠিত হ’ব। ভাৰতীয় ফুটবল অনুৰাগীয়েও এই অনুষ্ঠান উপভোগ কৰিব পাৰিব। কেতিয়া, ক’ত আৰু কেনেকৈ উপভোগ কৰিব জানিবলৈ পঢ়ক এই প্ৰতিবেদন।
উদ্বোধনী অনুষ্ঠানৰ ষ্টেডিয়াম :
মেক্সিকো : এষ্টাডিঅ’ এছটেকা (মেক্সিকো চহৰ)
কানাডা : বিএমঅ’ ফিল্ড (টৰণ্টো)
আমেৰিকা : ছফী ষ্টেডিয়াম (লছ এঞ্জেলছ)
কেতিয়া হ’ব উদ্বোধনী অনুষ্ঠান?
মেক্সিকো : ভাৰতীয় সময় অনুসৰি ১১ জুনৰ নিশা ১০.৩০ বজাত অনুষ্ঠিত হ’ব এই অনুষ্ঠান। ইয়াৰ পিছতে বিশ্বকাপৰ প্ৰথমখন মেচত দক্ষিণ আফ্ৰিকাৰ মুখামুখি হ’ব মেক্সিকো।
কানাডা : ভাৰতীয় সময় অনুসৰি ১২ জুনৰ নিশা ১১ বজাৰ পৰা আৰম্ভ হ’ব এই অনুষ্ঠান । ইয়াৰ পিছত বছনিয়া আৰু হাৰ্জেগোভিনাৰ বিৰুদ্ধে অৱতীৰ্ণ হ’ব কানাডা।
আমেৰিকা : ভাৰতীয় সময় অনুসৰি ১৩ জুন তাৰিখে পুৱা ৫ বজাৰ পৰা আৰম্ভ হ’ব উদ্বোধনী অনুষ্ঠান। ইয়াৰ পিছত আমেৰিকাই পানামাৰ বিৰুদ্ধে খেলিব।
উদ্বোধনী অনুষ্ঠানত কোন তাৰকাৰ সমাবেশ ঘটিব :
মেক্সিকো : মূল আকৰ্ষণ হৈছে শ্বাকিৰা আৰু বাৰ্না বয়। বিশ্বকাপৰ শীৰ্ষ গীতেৰে অনুষ্ঠান পৰিৱেশন কৰিব। ইয়াৰ উপৰি আলেজান্দ্ৰ’ ফাৰ্নাণ্ডেজ, বেলিণ্ডা, ডেনি অ’চেন, জে বালভিল, লিলা ডাউন্স, লছ এঞ্জেলছ এজুলছ, মানা আৰু টাইলাই অনুষ্ঠান পৰিবেশন কৰিব।
কানাডা : মূল আকৰ্ষণ হৈছে মাইকেল বেবেল। ইয়াৰ উপৰি এই অনুষ্ঠানত উপস্থিত থাকিব এলেছিয়া কাৰা, আলানিছ মৰিছেট, জেছি ৰেয়েছ, নোৰা ফাটেহী (ভাৰতৰ পৰা), সঞ্জয় আৰু উইলিয়াম প্ৰিন্স।
আমেৰিকা : মূল আকৰ্ষণ হৈছে কেটি পেৰী। ইয়াৰ উপৰি ফিউচাৰ, অনিতা, লিজা, ৰেমা আৰু টাইলাই অনুষ্ঠান পৰিবেশন কৰিব।
ভাৰতত কেনেকৈ উপভোগ কৰিব :
বিশ্বকাপৰ উদ্বোধনী অনুষ্ঠান ভাৰতত Unite8 Sportz 1, Unite8 Sportz 1 HD, Unite8 Sportz 2 আৰু Unite8 Sportz 2 HD চেনেলত সম্প্ৰচাৰ কৰা হ’ব। ইয়াৰ উপৰি Zee5 এপতো এই অনুষ্ঠান পোনপটীয়াকৈ উপলব্ধ হ’ব ।
উল্লেখ্য যে প্ৰথমবাৰৰ বাবে এইবাৰৰ বিশ্বকাপত ৪৮ খন দেশে অংশগ্ৰহণ কৰিছে। ৪৮টা দলক এটা গ্ৰুপত চাৰিটাকৈ মুঠ ১২টা গ্ৰুপত ভাগ কৰি হৈছে। প্ৰতিটো গ্ৰুপত ৰাউণ্ড-ৰবীন পদ্ধতিত লীগ মেচসমূহ অনুষ্ঠিত হ’ব। প্ৰতিটে গ্ৰুপৰ পৰা শীৰ্ষ দুটা দল আৰু তৃতীয় স্থানৰ ৮টা দল গ্ৰুপ অব ৩২লৈ উন্নীত হ’ব। ইয়াৰ পিছত শীৰ্ষ ১৬টা দল গ্ৰুপ অব ১৬লৈ উন্নীত হ’ব। ফেইনেল মেচ অনুষ্ঠিত হ’ব ১৯ জুলাইত।
