শুকুৰবাৰে ডিফুৰ লুৰুলাংছ’ত উদ্ধাৰ হয় এগৰাকী যুৱকৰ মৃতদেহ (Diphu Body rescued)। ডাভ লেকৰ সমীপত উদ্ধাৰ হয় মৃতদেহটো। মৃত যুৱকজনক ডিফুৰ ৰংথেয়াং অঞ্চলৰ ৩০ বছৰীয়া ল’বছন কুমাৰ মেচ বুলি চিনাক্ত কৰা হৈছে।
মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে আৰক্ষীয়ে ডিফু মেডিকেল কলেজ হস্পিটেললৈ প্ৰেৰণ কৰে। ইফালে পৰিয়ালৰ লোকে এয়া এক হত্যাকাণ্ড বুলি অভিযোগ কৰিছে। লগতে ইয়াক দলবদ্ধভাৱে সু-পৰিকল্পিত হত্যাকাণ্ড বুলিও পৰিয়ালৰ লোকে সন্দেহ প্ৰকাশ কৰিছে।
উল্লেখযোগ্য যে বৃহস্পতিবাৰে আবেলি ছাৰকিমি টেৰণ নামৰ এজন বন্ধুৰ সৈতে মৃত যুৱকজন চিলনী বনভোজস্থলীলৈ গৈছিল লবছন।
আনহাতে, সন্ধিয়া পত্নীৰ সৈতে ফোনযোগে যোগাযোগ কৰিছিল যদিও পুৱতি নিশা কোনো বন্ধুৱে লবছনৰ ওপৰত আক্ৰমণ সংঘটিত হোৱা বুলি পত্নীক খবৰ দিয়ে। ফলত লবছনক পৰিকল্পিতভাৱে হত্যা কৰা বুলি পত্নীয়ে অভিযোগ কৰিছে। সেয়ে বনভোজলৈ যোৱা বন্ধুজনক সোধাপোছা কৰিলেই হত্যাকাণ্ডৰ প্ৰকৃত তথ্য লাভ কৰিব পৰা যাব বুলি পত্নীয়ে দাবী কৰিছে।
উল্লেখযোগ্য যে নিহত লবছনৰ শৰীৰৰ কেইবা ঠাইতো আঘাতৰ চিন প্ৰত্যক্ষ কৰা বুলি পত্নীয়ে অৱগত কৰিছে।
