আগন্তুক লোকপিয়ল অভিযান (Census campaign) সন্দৰ্ভত প্ৰস্তুতিমূলক বৈঠক আজি ডিফু (Diphu) জিলা উপায়ুক্ত কাৰ্যালয়ৰ কনফাৰেন্স হলত কাৰ্বি আংলঙৰ জিলা উপায়ুক্ত আৰণ্যক শইকীয়াৰ অধ্যক্ষতাত অনুষ্ঠিত হয়। লোকপিয়লৰ নিৰ্দেশনা আৰু নিৰ্ধাৰিত সময়সীমা অনুসৰি প্ৰস্তুতি পুনৰীক্ষণ আৰু কাৰ্যকৰীকৰণ প্ৰক্ৰিয়া সুশৃংখলিত কৰাৰ উদ্দেশ্যে বিভিন্ন সংশ্লিষ্ট বিভাগৰ বিষয়াসকলে ইয়াত অংশগ্ৰহণ কৰে। সভাত ভাষণ দি উপায়ুক্ত আৰণ্যক শইকীয়াই
সংশ্লিষ্ট সকলো বিষয়া আৰু বিভাগসমূহক সষ্টম থাকিবলৈ আৰু সম্পূৰ্ণৰূপে প্ৰস্তুত থকাৰ লগতে লোকপিয়লৰ প্ৰয়োজনীয় পদক্ষেপসমূহ পৰিচালনা কৰাৰ ওপৰত গুৰুত্ব দিয়ে।
জিলা আয়ুক্তগৰাকীয়ে লোকপিয়লৰ ফলপ্ৰসূ ৰূপায়ণৰ বাবে সজাগতা সৃষ্টি আৰু সকলো সম্প্ৰদায়ৰ অংশগ্ৰহণৰ ওপৰতো আলোকপাত কৰে। বৈঠকৰ সময়ত অতিৰিক্ত জিলা আয়ুক্ত পি কে গুপ্তাই লোকপিয়লৰ কাৰ্য্যকলাপৰ বিশদ সময়সীমা আৰু পদ্ধতিগত কাঠামোৰ বিষয়ে বিশদভাৱে কয়। তেওঁ জনোৱা মতে, ২ আগষ্টৰ পৰা ঘৰ তালিকাভুক্তকৰণৰ কাম আৰম্ভ হোৱাৰ কথা।
আনহাতে, চৰকাৰী সূচী অনুসৰি মাষ্টাৰ প্ৰশিক্ষকৰ প্ৰশিক্ষণ আৰু গণনাকাৰীৰ লগতে তত্বাৱধায়ক প্ৰশিক্ষণ কাৰ্যসূচীৰ পৰিকল্পনা কৰা হৈছে। প্ৰশিক্ষণৰ স্থান চিনাক্তকৰণ, গণনাকাৰী আৰু তত্বাৱধায়কসকলৰ তাৎক্ষণিক নিয়োগ নিশ্চিত কৰা, স্থান আৰু সামগ্ৰীৰ সঠিক চিনাক্তকৰণ আৰু লোকপিয়লৰ কৰ্তব্যৰ সৈতে জড়িত চৰকাৰী বিজ্ঞপ্তি আৰু নিৰ্দেশনাসমূহ অনুসৰণ কৰা আদিৰ ওপৰত আলোচনা কৰা হয়।
বৈঠকত আৰু অধিক গুৰুত্ব আৰোপ কৰা হয় যে সমগ্ৰ জিলাতে লোকপিয়ল সুচাৰুৰূপে চলিব পৰাকৈ সমন্বিত বিভাগীয় সহযোগিতাৰ প্ৰয়োজন। লোকপিয়লৰ অনুশীলন সফল ৰূপায়ণ নিশ্চিত কৰিবলৈ নিৰ্ধাৰিত নিৰ্দেশনা আৰু সময়সীমা অনুসৰি সক্ৰিয়ভাৱে কাম কৰিবলৈও বিষয়াসকলক নিৰ্দেশ দিয়া হয়।
