প্ৰধানমন্ত্ৰী নৰেন্দ্ৰ মোদীয়ে (Modi) বুধবাৰে ইটালীৰ প্ৰধানমন্ত্ৰী (Italy PM) জৰ্জিয়া মেলনিৰ সৈতে তেওঁৰ পাঁচখন দেশ ভ্ৰমণৰ অংশ হিচাপে প্ৰতিনিধি পৰ্যায়ৰ বাৰ্তালাপ কৰে, যাৰ লক্ষ্য হৈছে নতুন দিল্লী আৰু ৰোমৰ মাজৰ সম্পৰ্ক শক্তিশালী কৰা। আলোচনাৰ সময়ত প্ৰধানমন্ত্ৰী মোদীয়ে কয় যে ৮০০ ৰো অধিক কোম্পানীয়ে (Institution of Italy) ভাৰতৰ বিকাশৰ কাহিনীত “সক্ৰিয়ভাৱে অৰিহণা যোগাইছে”।
ইটালীৰ সমকক্ষৰ সৈতে প্ৰতিনিধি পৰ্যায়ৰ বাৰ্তালাপত প্ৰধানমন্ত্ৰী মোদীয়ে কয়, “আমি ভাৰত-ইটালীৰ সম্পৰ্ক বৃদ্ধিৰ ওপৰত বিস্তৃতভাৱে আলোচনা কৰিছো। ভাৰত-ইটালীৰ যুটীয়া কৌশলগত কাৰ্য পৰিকল্পনা ২০২৫-২০১৯-এ আমাৰ সম্পৰ্কক এক ব্যৱহাৰিক আৰু ভৱিষ্যতমুখী পৰিকাঠামো প্ৰদান কৰিছে।” নৰৱে, ছুইডেন, নেডাৰলেণ্ড আৰু ইউনাইটেড আৰব এমিৰেটছকে ধৰি পাঁচখন দেশৰ ভ্ৰমণৰ অন্তিম পৰ্যায়ৰ বাবে মোডীয়ে মঙলবাৰে নিশা ৰোমত উপস্থিত হৈছিল। পিটিআইৰ বাতৰি অনুসৰি, ইটালীৰ সমকক্ষ মেলনিৰ সৈতে আলোচনাৰ বাবে উপস্থিত হোৱাৰ পিছত তেওঁক আনুষ্ঠানিক সামৰিক সন্মান প্ৰদান কৰা হৈছিল।
