ঘৰৰ চাৰিওফালে কোটি কোটি টকাৰ বাণ্ডিল (Bundles of crores of rupees) সিঁচৰতি হৈ আছে। এই বৃহৎ পৰিমাণৰ ধন উদ্ধাৰ হোৱাৰ ভিডিঅ’ ভাইৰেল (Video viral) হৈ পৰে ছ’চিয়েল মিডিয়াত (Social Media)। ঘটনাৰ খবৰ পোৱাৰ লগে লগে ত্ৰিপুৰাৰ নিৰাপত্তাৰক্ষী (Tripura’s security guard)ৰ এটা দলে এহাল দম্পতীক আটক কৰে। অভিযুক্তৰ নাম মেনকা দেৱবৰ্মা (Menaka Debbarma) আৰু অজিত দেৱবৰ্মা (Ajit Debbarma)। আৰক্ষীৰ সূত্ৰ অনুসৰি, মেনকাই ত্ৰিপুৰা আৰক্ষীৰ আগৰতলা পূব থানাত মহিলা কনিষ্টবল হিচাপে কৰ্মৰত। আনহাতে, তেওঁৰ স্বামী অজিত ত্ৰিপুৰা ষ্টেট ৰাইফলছৰ চতুৰ্দশ বেটেলিয়নৰ জোৱান।
ভাইৰেল ভিডিঅ’টোত দেখা গৈছে যে গোটেই ঘৰটোৰ মজিয়াত টকাৰ বাণ্ডিল সজাই থোৱা হৈছে। আৰু তাৰ কাষতে বহি আছে মহিলা কনিষ্টবলগৰাকী। এই ভিডিঅ’টো প্ৰকাশৰ লগে লগে তীব্ৰ চাঞ্চল্যৰ সৃষ্টি হয়। বহু কোটি টকাৰ বিত্তীয় কেলেংকাৰীক লৈ আৰক্ষীয়ে ক্ষিপ্ৰ তদন্ত আৰম্ভ কৰিছে।
এই ভিডিঅ’ ক্লিপটো ছ’চিয়েল মিডিয়াত ভাইৰেল হোৱাৰ পিছতে ধলাই জিলা আৰক্ষীয়ে ঘটনাৰ তদন্ত আৰম্ভ কৰে। পিছত এই বৃহৎ আৰ্থিক কেলেংকাৰীত জড়িত থকা আৰক্ষী দম্পতীহালক গ্ৰেপ্তাৰ কৰা হয়। ইতিমধ্যে অভিযুক্তক আদালতত হাজিৰ কৰোৱাত ন্যায়াধীশে তেওঁলোকক সাত দিনৰ বাবে আৰক্ষীৰ জিম্মাত ৰখাৰ নিৰ্দেশ দিয়ে। এই চক্ৰটোৰ শিপা কিমান দূৰলৈকে আছে সেয়া জানিবলৈ সেয়া জানিবলৈ তদন্তকাৰীয়ে দম্পতীহালক জেৰা কৰি আছে ।
