বেংক জালিয়াতিৰ গোচৰ (Bank fraud case)ত অভিযুক্ত নীৰৱ মোদী (Nirab Modi)ৰ আবেদন পুনৰ নাকচ (Application rejected again) কৰিলে লণ্ডন উচ্চ ন্যায়ালয়ে (London High Court)। বৃহস্পতিবাৰে লৰ্ড জাষ্টিছ ষ্টুয়াৰ্ট স্মিথ আৰু জাষ্টিছ জেৰৰ বিচাৰপীঠে কয় যে নীৰৱৰ প্ৰত্যৰ্পণবিৰোধী আবেদন “ভাৰতে দিয়া আশ্বাসৰ ভিত্তিত” নাকচ কৰা হৈছে। ১৩ হাজাৰ কোটি টকাৰ পঞ্জাব নেচনেল বেংক জালিয়াতিৰ গোচৰত অভিযুক্ত গুজৰাটৰ হীৰা ব্যৱসায়ীজনৰ আবেদন লণ্ডন উচ্চ ন্যায়ালয়ে নাকচ এইবাৰকে ধৰি তৃতীয়বাৰ কৰিলে।
যোৱা ডিচেম্বৰ মাহত চিবিআই আৰু বলবৎকাৰী সঞ্চালকালয় (ইডি)ৰ এটা দল লণ্ডনলৈ গৈ এই গোচৰৰ শুনানিত অংশগ্ৰহণ কৰিছিল। নীৰৱৰ আবেদন কিয় নাকচ কৰিব লাগে সেই সন্দৰ্ভতো নথি দাখিল কৰে। লণ্ডনৰ উচ্চ ন্যায়ালয়ে হীৰা ব্যৱসায়ীগৰাকীৰ অধিবক্তাক উত্তৰ দিবলৈ জানুৱাৰী মাহলৈকে সময় দিছে। তদন্তকাৰীৰ দলটোৱে এই গোচৰত ভাৰতক প্ৰতিনিধিত্ব কৰা অধিবক্তাসকলৰ সৈতেও কথা পাতে। ইয়াৰ পূৰ্বে নীৰৱে “গুৰুতৰ দৃষ্টিশক্তিৰ সমস্যা” আৰু “মানসিক অৱসাদ”ৰ দোহাই দি লণ্ডন উচ্চ ন্যায়ালয়ত ভাৰতলৈ প্ৰত্যৰ্পণ নকৰিবলৈ আবেদন দাখিল কৰিছিল। এইবাৰ পলাতক অৰ্থনৈতিক অপৰাধী সঞ্জয় ভাণ্ডাৰীৰ গোচৰৰ ৰায়দানৰ ভিত্তিত তেওঁৰ গোচৰৰ শুনানি বিচাৰিছিল। ভাণ্ডাৰীৰ গোচৰত ভাৰতীয় কোম্পানীয়ে নিৰ্যাতন চলোৱাৰ সম্ভাৱনাৰ বাবে প্ৰত্যৰ্পণ বাতিল কৰা হৈছিল।
লণ্ডন উচ্চ ন্যায়ালয়ে মানৱ অধিকাৰৰ দোহাই দি ভাণ্ডাৰীক প্ৰত্যৰ্পণৰ নিৰ্দেশৰ পৰা ৰেহাই দিছিল। কিন্তু নীৰৱৰ এই আবেদন নাকচ কৰি উচ্চ ন্যায়ালয়, কিংছ বেঞ্চ বিভাগৰ বিচাৰপীঠে কয় যে তেওঁলোকে ভাৰত চৰকাৰে ‘নোট ভাৰ্বেল’ত দিয়া আশ্বাসৰ ওপৰত নিৰ্ভৰ কৰিছে। উল্লেখ্য যে প্ৰধানমন্ত্ৰী নৰেন্দ্ৰ মোদীৰ চৰকাৰে ইতিমধ্যে ব্ৰিটেইনক জনাইছে যে ভাৰতলৈ আহিলেহে নীৰৱ বিচাৰৰ সন্মুখীন হ’ব লাগিব। তেওঁক কোনো তদন্তকাৰী সংস্থাৰ সোধা-পোছা বা জিম্মাত লোৱা নহ’ব।
যদিও নীৰৱৰ অধিবক্তাই দাবী কৰিছে যে তেওঁৰ ক্লায়েণ্ট ভাৰতলৈ প্ৰত্যৰ্পণ কৰিলে নিৰ্যাতনৰ বলি হ’ব পাৰে, তথাপিও ২০১৮ চনত হীৰা ব্যৱসায়ী নীৰৱৰ বিৰুদ্ধে পঞ্জাব নেচনেল বেংকৰ পৰা বহু কোটি টকাৰ ঋণ ডিফল্ট গোচৰত অভিযুক্ত হৈছিল। তেওঁৰ বিৰুদ্ধে তদন্ত আৰম্ভ হোৱাৰ পিছত তেওঁ দেশ এৰি পলায়ন কৰে। পিছত ‘বেংক অব ইণ্ডিয়া’ৰ ঋণ জালিয়াতিৰ গোচৰতো তেওঁৰ বিৰুদ্ধে অভিযোগ উত্থাপন হয়। ইডিয়ে তেওঁক ‘পলাতক’ বুলি ঘোষণা কৰে। ২০১৯ চনত ব্ৰিটেইনত গ্ৰেপ্তাৰ হোৱা নীৰৱক তাৰ পিছৰে পৰা লণ্ডনৰ ৱেষ্টমিনিষ্টাৰ অঞ্চলৰ এখন কাৰাগাৰত ৰখা হৈছে।
