দেশলৈ বিশ্বকাপ অনাৰ বাবে ভাৰতীয় ক্ৰিকেট দলটোক পুৰস্কাৰেৰে উপচাই দিছে বিচিচিআয়ে (BCCI)। ভাৰতীয় ক্ৰিকেট নিয়ন্ত্ৰণ ব’ৰ্ডে সূৰ্যকুমাৰ যাদৱ নেতৃত্বাধীন দলটো (T-20 Team)ৰ বাবে ১৩১ কোটি টকা (131 crore rupees)ৰ পুৰস্কাৰ ঘোষণা (Award Announcement) কৰিছে।
এই পুৰস্কাৰ দুবছৰ পূৰ্বে ৰোহিত শৰ্মাৰ নেতৃত্বত ভাৰতে টি-২০ বিশ্বকাপ জয় কৰাতকৈ বহু বেছি। সেইবাৰ পাইছিল ১২৫ কোটি টকা। এইবাৰ আৰু ৬ কোটি টকা বেছি দিয়া হৈছে।
২০০৭ চনত যেতিয়া মহেন্দ্ৰ সিং ধোনীৰ নেতৃত্বত প্ৰথম টি-২০ বিশ্বকাপ জয় কৰিছিল তেতিয়া ব’ৰ্ডৰ পুৰস্কাৰ আছিল ২ কোটি টকা। ২০১১ চনত ধোনীৰ নেতৃত্বত ভাৰতে এদিনীয়া বিশ্বকাপ জয় কৰিছিল। তেতিয়াও ব’ৰ্ডে দলটোক ২ কোটি টকা দিছিল। ইয়াৰ পিছত ২০২৪ চনত বিচিচিআয়ে ১২৫ কোটি আৰু এইবাৰ ১৩১ কোটি টকা দিছে। মহিলাৰ এদিনীয়া বিশ্বকাপ জয়ৰ বাবে হৰমনপ্ৰীত কৌৰৰ দলে লাভ কৰে ৫১ কোটি টকা।
উল্লেখ্য যে দেওবাৰে আহমেদাবাদত অনুষ্ঠিত টি-২০ বিশ্বকাপত তৃতীয়বাৰৰ বাবে জয়লাভ কৰি ইতিহাস সৃষ্টি কৰে সূৰ্য বাহিনীয়ে। লগতে একেৰাহে দুবাৰকৈ টি-২০ বিশ্বকাপ জয় কৰা প্ৰথমটো দল হিচাপে পৰিগণিত হয়। মঙলবাৰে বিচিচিআয়ে এক বিবৃতিত কয়, “ব’ৰ্ডে এই ঐতিহাসিক জয়ৰ বাবে খেলুৱৈ, সহায়ক কৰ্মচাৰী আৰু নিৰ্বাচকসকলক পুনৰবাৰ অভিনন্দন জনাইছে আৰু ভৱিষ্যতে তেওঁলোকৰ অধিক সফলতা কামনা কৰিছে।”
