ৰাষ্ট্ৰীয় ঘাইপথত নিৰ্মাণ কৰা এটা ৰাণৱে। ভাৰতীয় বায়ুসেনাৰ দ্বিতীয় বৃহত্তম সামৰিক পৰিবহণ বিমান প্ৰধানমন্ত্ৰী নৰেন্দ্ৰ মোদী (Narendra Modi)ৰ চি-১৩০ জে ছুপাৰ হাৰকিউলিছ (C-130J Super Hercules) বিমানখন শনিবাৰে পুৱা মৰাণৰ ৩৭ নং ৰাষ্ট্ৰীয় ঘাইপথ (NH 37 of Moran)ত অৱতৰণ কৰে। উত্তৰ-পূৰ্বাঞ্চলৰ কোনো ৰাজ্যৰ প্ৰথমটো ৰাষ্ট্ৰীয় ঘাইপথত নিৰ্মাণ কৰা বিমানবন্দৰ। শনিবাৰে প্ৰতিৰক্ষা মন্ত্ৰালয়ে এই পদক্ষেপক ‘ঐতিহাসিক’ বুলি অভিহিত কৰে।
মোদীয়ে শনিবাৰে পুৱা ডিব্ৰুগড়ৰ চাবুৱা বায়ুসেনা ঘাটিৰ পৰা ছুপাৰ হাৰকিউলিছ বিমানত উঠে। মৰাণৰ ৰাষ্ট্ৰীয় ঘাইপথত নতুনকৈ নিৰ্মাণ কৰা ৪.২ কিলোমিটাৰ দৈৰ্ঘ্যৰ বিমানপথত বিমানখনে ‘ফুল ষ্টপ লেণ্ডিং’ (Full stop landing) কৰে। অৱতৰণ কৰাৰ পিছতে মোদীয়ে অসমৰ মুখ্যমন্ত্ৰী হিমন্ত বিশ্ব শৰ্মা আৰু বায়ুসেনাৰ বিষয়াসকলৰ সৈতে সৌজন্যমূলক সাক্ষাৎ কৰে। ৰাণৱে উদ্বোধন কৰি প্ৰায় ৪০ মিনিট সময় তেওঁ সুখয় (Sukhoi), ৰাফেল (Rafael) আৰু তেজছ (Tejas)ৰ যুদ্ধবিমানৰ কৌশল উপভোগ কৰে। মোদীয়ে ছ’চিয়েল মিডিয়াত লিখিছে, “মৰাণত বহুমুখী ৰাণৱেয়ে প্ৰতিৰক্ষা, যোগান আৰু দুৰ্যোগ ব্যৱস্থাপনাৰ আন্তঃগাঁথনি আৰু অধিক শক্তিশালী কৰিব।”
প্ৰতিৰক্ষা মন্ত্ৰালয়ৰ সূত্ৰ অনুসৰি, পূব আৰু উত্তৰ-পূৰ্বাঞ্চলত চীনৰ সম্ভাৱ্য ‘বিপদ’ৰ কথা মনত ৰাখি বায়ুসেনাৰ ঘাটিসমূহ অধিক পুনৰ সংগঠিত কৰা হৈছে। ইয়াৰ উপৰি ‘বৃহত্তৰ আন্তঃগাঁথনি উন্নয়ন’ৰ প্ৰতি বিশেষ গুৰুত্ব দিয়া হৈছে। উক্ত পৰিকল্পনাৰ এটা অংশ হ’ল যুদ্ধকালীন পৰিস্থিতিত ব্যৱহাৰৰ বাবে ৰাষ্ট্ৰীয় ঘাইপথৰ নিৰ্দিষ্ট অংশ নিৰ্বাচন কৰা আৰু ৰাণৱে নিৰ্মাণ কৰা। সামৰিক ভাষাত ইয়াক ‘জৰুৰীকালীন অৱতৰণ সুবিধা’ (ELF) বুলি কোৱা হয়।
ইতিমধ্যে ৰাজস্থান, উত্তৰ প্ৰদেশ, পশ্চিমবংগ, হাৰিয়ানাকে ধৰি কেইবাখনো ৰাজ্যত ই এল এফ নিৰ্মাণ কৰা হৈছে। ইয়াৰে কিছুমানত যুদ্ধবিমান অৱতৰণ কৰাৰ লগতে সামৰিক পৰিবহণ বিমানৰ সুবিধা আছে। ১০০ কোটি টকা ব্যয়সাপেক্ষে নিৰ্মাণ কৰা মৰাণৰ ই এল এফ তেনে এক উদাহৰণ।
