মধ্যপ্ৰদেশৰ ইন্দোৰ (Indore, Madhya Pradesh)ত সহপাঠী তথা প্ৰেমিকৰ ঘৰৰ পৰা উদ্ধাৰ (Rescued from lover’s house) এগৰাকী এম বি এ ছাত্ৰী (MBA Student)ৰ উলংগ মৃতদেহ (Naked corpse)। আৰক্ষীৰ সূত্ৰ অনুসৰি, তেওঁৰ ডিঙিত ৰছীৰ আঘাতৰ চিন আছিল। ডিঙি চেপি হত্যা কৰা বুলি সন্দেহ কৰা হৈছে। শুকুৰবাৰে উদ্ধাৰ হয় যুৱতীগৰাকীৰ মৃতদেহ।
প্ৰাৰম্ভিক তদন্তত আৰক্ষীয়ে যুৱতীগৰাকীৰ এটা অশ্লীল ভিডিঅ’ কলেজৰ ৱাটছএপ গ্ৰুপলৈ প্ৰেৰণ কৰা বুলি জানিব পাৰে। তাত তেওঁৰ মুখখন স্পষ্ট আছিল। আনহাতে, তেওঁৰ লগত থকা যুৱকজনৰ মুখখন ম্লান হৈ আছিল। যুৱতীগৰাকীৰ মোবাইলৰ পৰা মহাবিদ্যালয়ৰ ৱাটছএপ গ্ৰুপত ভিডিঅ’টো শ্বেয়াৰ কৰা হয়। মহাবিদ্যালয় কৰ্তৃপক্ষই বিষয়টো গম পোৱাৰ লগে লগে ডিলিট কৰি দিয়ে। ঘটনা সন্দৰ্ভত তেওঁৰ পৰিয়ালক অৱগত কৰা হয়। ভিডিঅ’টোত যুৱতীগৰাকীৰ সৈতে দেখা পোৱা পুৰুষ সংগীজন তেওঁৰ সহপাঠী পিয়ুষ ধনোতি (Piyush Dhanoti) বুলি আৰক্ষীয়ে সন্দেহ প্ৰকাশ কৰিছে। তেওঁ সন্ধানহীন। ইয়াৰ পৰাই সন্দেহ আৰু অধিক প্ৰবল হৈ পৰিছে।
প্ৰথম অৱস্থাত আৰক্ষীয়ে জানিব পাৰিছে যে পিয়ুষ মধ্যপ্ৰদেশৰ মাণ্ডছৌৰ বাসিন্দা। তেওঁৰ পিতৃৰ এখন গেলামালৰ দোকান আছে। তেওঁ এম বি এ পঢ়িবলৈ ইন্দোৰলৈ আহিছিল। তাতে তেওঁ ভাড়াঘৰ এটাত বাস কৰিছিল। কলেজত তেওঁ যুৱতীগৰাকীক লগ পায়। ইয়াৰ পিছত তেওঁলোকৰ মাজত এক ঘনিষ্ঠ সম্পৰ্ক গঢ় লৈ উঠিছিল। যোৱা মঙলবাৰে যুৱতীগৰাকীয়ে জন্মৰ প্ৰমাণ পত্ৰত থকা ভুলবোৰ শুধৰাবলৈ পিতৃৰ সৈতে সানৱাৰ ৰোডলৈ গৈছিল। তেওঁ ঘৰলৈ উভতি আহি সন্ধিয়া পুনৰ ওলাই যায়। ঘৰত কয় যে বন্ধুৰ জন্মদিনৰ পাৰ্টিলৈ যাব। নিশা ১১ বজাৰ ভিতৰত তেওঁ উভতি আহিব। কিন্তু তেওঁ অহা নাছিল। সেইদিনা নিশাই কলেজৰ ৱাটছএপ গ্ৰুপত তেওঁৰ অশ্লীল ভিডিঅ’ শ্বেয়াৰ কৰা হয়। লগে লগে কলেজ কৰ্তৃপক্ষই তেওঁৰ পৰিয়ালৰ সৈতে যোগাযোগ কৰে। পৰিয়ালেও তেওঁৰ লগত যোগাযোগ কৰিবলৈ চেষ্টা কৰে। কিন্তু তেওঁলোকেও নাপালে।
ধনোতিৰ ফোনটোও চুইচ অফ হৈ আছিল। ইয়াৰ পিছতে পৰিয়ালটো আৰক্ষীৰ কাষ চাপে। আৰক্ষী ধনোতিৰ ঘৰলৈ যায় যদিও তলা লগোৱা আছিল। শুকুৰবাৰে চুবুৰীৰ ৰাইজে ধনোতিৰ ঘৰৰ পৰা পচা গোন্ধ পাই ঘৰৰ মালিকক খবৰ দিয়ে। ইয়াৰ পিছতে আৰক্ষীক খবৰ দিয়া হয়। আৰক্ষীয়ে দুৱাৰ ভাঙি ঘৰত প্ৰৱেশ কৰি যুৱতীগৰাকীৰ মৃতদেহ উদ্ধাৰ কৰে। তেওঁৰ শৰীৰটো উলংগ হৈ পৰি আছিল। তেওঁৰ পিতৃয়ে মোজালৈ চাই মৃতদেহটো চিনাক্ত কৰে। ধনোতিৰ সন্ধানত আৰক্ষীয়ে অভিযান চলাইছে।
