এইবাৰ অসমৰ ৰাজপথ (Roads of Assam)ত অৱতৰণ বায়ুসেনাৰ বিমান (Air Force aircraft)। অসমত পোন প্ৰথমবাৰৰ বাবে মৰাণৰ ৰাজপথ (Morans’ highway)ত নামে বায়ুসেনাৰ যুদ্ধবিমান। উল্লেখ্য যে ১৪ ফেব্ৰুৱাৰীত প্ৰধানমন্ত্ৰী নৰেন্দ্ৰ মোদীয়ে অসম ভ্ৰমণ কৰিব। সেইদিনা তেওঁ মৰাণৰ চাৰিলেনযুক্ত ৰাষ্ট্ৰীয় ঘাইপথত উদ্বোধন কৰিব বায়ুসেনাৰ জৰুৰী অৱতৰণ সেৱা অৰ্থাৎ Emergency Landing Facility চমুকৈ ELF। তাৰ পূৰ্বে বায়ুসেনাই পৰীক্ষামূলকভাৱে কেইবাখনো যুদ্ধবিমান এই ৰাজপথত অৱতৰণ কৰায়।
উল্লেখ্য যে মৰাণৰ নৱনিৰ্মিত ৰাষ্ট্ৰীয় ঘাইপথত জৰুৰী অৱস্থাত যুদ্ধবিমান অৱতৰণ কৰাব পৰাকৈ প্ৰযুক্তি ব্যৱহাৰ কৰা হৈছে। তাৰেই অংশ হিচাপে বুধবাৰে বায়ুসেনা বাহিনীয়ে প্ৰথমখন কাৰ্গো এয়াৰ ক্ৰাফ্ট অৱতৰণ কৰায়। তাৰ পাছত অন্যান্য যুঁজাৰু বিমানৰ উৰণ তথা অৱতৰণৰ পৰীক্ষা কৰা হয়। অহা ১৪ ফেব্ৰুৱাৰী, শনিবাৰে এই ELF আনুষ্ঠানিকভাৱে উদ্বোধন কৰিব প্ৰধানমন্ত্ৰী নৰেন্দ্ৰ মোদীয়ে৷ প্ৰধানমন্ত্ৰী আগমন তথা বায়ুসেনাৰ অনুশীালনৰ বাবে ইতিমধ্যে ৬ ফেব্ৰুৱাৰীৰ পৰা এই চাৰিলেনযুক্ত পথছোৱাত যাতায়াত বন্ধ কৰি দিয়া হৈছে। মৰাণ বাইপাছৰ জঁটিয়নিত নিৰ্মাণ কৰা ৪.২ কিলোমিটাৰৰ এই নিৰ্দিষ্ট অংশত সাধাৰণ লোকৰ প্ৰৱেশ নিষিদ্ধ কৰা হৈছে।
