শ্বাহবাজ শ্বৰীফ চৰকাৰৰ সিদ্ধান্ত অনুসৰি টি-২০ বিশ্বকাপ (T20 World Cup)ত ভাৰতৰ সৈতে (with India) অনুষ্ঠিত হ’বলগীয়া মেচখন বৰ্জন (Match canceled) কৰিছে পাকিস্তানে (Pakistan)। ফলত পাকিস্তান ক্ৰিকেট বোৰ্ড আৰ্থিক লোকচান (Financial loss)ৰ সন্মুখীন হ’ব পাৰে। যদি পাকিস্তানে মেচখন খেলিব নোৱাৰে তেন্তে আই চি চিৰ সৈতে সম্পূৰ্ণ সদস্য দেশসমূহে যি চুক্তি কৰিছে, সেয়া ভংগ হ’ব। ফলত পি চি বিয়ে অংশগ্ৰহণকাৰী হিচাপে প্ৰাপ্য ধনৰ সম্পূৰ্ণ ধন নাপাব। আনহাতে, বিশ্বকাপ সম্প্ৰচাৰ কোম্পানীটোৰ আৰ্থিক ক্ষতিৰ দায়িত্বও তেওঁলোকৰ ওপৰত পৰিব। ইফালে পাক বোৰ্ডৰ সভাপতি মহছিন নাকভিও আইনী সমস্যাৰ সৈতে জড়িত হ’ব পাৰে। যদিহে ভাৰত-পাকিস্তানৰ মেচখন নহয়, তেন্তে বিশ্বকাপ সম্প্ৰচাৰ চেনেলটোৱে পি চি বিৰ বিৰুদ্ধে আইনী ব্যৱস্থা ল’ব পাৰে। ক্ষতিপূৰণো দাবী কৰিব পাৰে। ভাৰত-পাকিস্তানৰ মেচখন আই চি চিৰ যিকোনো প্ৰতিযোগিতাত সৰ্বাধিক লাভজনক। সম্প্ৰচাৰক আৰু বিভিন্ন পৃষ্ঠপোষক কোম্পানীয়ে কেৱল এই মেচখনলৈ আগ্ৰহেৰে বাট চাই আই চি চিক বিপুল পৰিমাণৰ ধন আদায় দিয়ে। সম্প্ৰচাৰ চেনেলটোৱে ভাৰত-পাকৰ মেচখন দৃষ্টিগোচৰ কৰি বিপুল পৰিমাণৰ বিজ্ঞাপনৰ ধনো সংগ্ৰহ কৰে। স্বাভাৱিকতে ভাৰত-পাক মেচখন নহ’লে সম্প্ৰচাৰ কোম্পানীয়ে এই মেচৰ বাবে আই চি চিক ধন নিদিয়ে।
২০২৩ চনৰ পৰা ২০২৭ চনলৈকে আই চি চিৰ সৈতে সম্প্ৰচাৰ কোম্পানীটোৱে কৰা চুক্তিৰ মূল্য ভাৰত-পাক মেচখনৰ বাবে প্ৰায় ২,২৮৮ কোটি টকা। চুক্তি অনুসৰি, প্ৰতিখন প্ৰতিযোগিতাত অন্ততঃ এখনকৈ ভাৰত-পাক মেচ বাধ্যতামূলক। বৰ্তমানৰ বজাৰ মূল্যত প্ৰতিখন ভাৰত-পাক মেচৰ মূল্য প্ৰায় ৩৮ মিলিয়ন ডলাৰ বা প্ৰায় ৩২০ কোটি টকা। অৰ্থাৎ মেচখন নহ’লে সম্প্ৰচাৰ কোম্পানীটোৱে কমেও ৩২০ কোটি টকা হেৰুৱাব। যদিহে পাকিস্তানে মেচ বৰ্জন কৰে তেন্তে পি চি বিয়ে সম্প্ৰচাৰ কোম্পানীটোক এই লোকচানৰ ক্ষতিপূৰণ দিব লাগিব।
প্ৰতিখন বৃহৎ আই চি চি প্ৰতিযোগিতাৰ পূৰ্বে চুক্তি কৰা হয়। প্ৰতিটো অংশগ্ৰহণকাৰী দলে অংশগ্ৰহণৰ বাবে অংশগ্ৰহণৰ চুক্তিত স্বাক্ষৰ কৰে। সকলো মেচ চুক্তিত অন্তৰ্ভুক্ত কৰা হৈছে। মেচ খেলা নাই মানে, সেই চুক্তি ভংগ কৰা। চৰ্ত অনুসৰি, আই চি চিয়ে প্ৰতিবছৰে সম্পূৰ্ণ সদস্য দেশক দিয়া ধনখিনি চুক্তি উলংঘা কৰা দেশক লভ্যাংশ হিচাপে নিদিয়ে। পাকিস্তানৰ ক্ষেত্ৰত যিটো হ’ব পাৰে ৩১৬ কোটি টকা।
পি চি বিয়ে আই চি চিৰ পৰা নাপাব ৩১৬ কোটি, যিটো তেওঁলোকৰ বাবদ ধনৰ ৭০ৰ পৰা ৮০ শতাংশ। লগতে সম্প্ৰচাৰ কোম্পানীক ক্ষতিপূৰণ হিচাপে ৩২০ কোটি টকা দিব লাগিব। মুঠতে প্ৰায় ৬৫০ কোটি টকাৰ বোজাৰ সৈতে মোকাবিলা কৰিব লাগিব পি চি বিয়ে। ইতিমধ্যে নাকভিৰ বোৰ্ড আৰ্থিক সংকটত পৰিছে। তাৰ ওপৰত এই অতিৰিক্ত আৰ্থিক চাপৰ সৈতে মোকাবিলা কৰিব লাগিব।
উল্লেখ্য যে বিশ্বকাপৰ পূৰ্বে সম্প্ৰচাৰৰ চাপৰ সন্মুখীন হৈছে পি চি বি। দেওবাৰে সমাপ্ত হোৱা পাকিস্তান আৰু অষ্ট্ৰেলিয়াৰ মাজত তিনিখন মেচৰ টি-২০ শৃংখলা সম্প্ৰচাৰ কৰা নাছিল অষ্ট্ৰেলিয়াৰ টিভি নেটৱৰ্কে। প্ৰথম অৱস্থাত তেওঁলোকে ইয়াক সম্প্ৰচাৰৰ সিদ্ধান্তত বিলম্ব কৰিছিল। কাৰণ অষ্ট্ৰেলিয়াত নিশা ১০ বজাৰ পৰা মেচ আৰম্ভ হৈছিল। এই সময়ত পৰ্যাপ্ত দৰ্শক আৰু বিজ্ঞাপন নোপোৱাৰ আশংকাত কোম্পানীটোৱে পলম কৰে। যিহেতু পাকিস্তানলৈ যোৱা একাদশত মূল দলটোৰ সাতজন সদস্য নাছিল, সেয়েহে তাত বিশ্বকাপৰ প্ৰস্তুতিৰ শৃংখলাৰ বাবে বিশেষ উৎসাহ নাছিল।
