সৰস্বতী পূজাৰ আনন্দৰ মাজতে মহানগৰীত এক শোকাৱহ পথ দুৰ্ঘটনা সংঘটিত হয়৷ গুৱাহাটী মহানগৰীৰ (Guwahati City) কাহিলীপাৰাত শুকুৰবাৰে এখন ১০৮ এম্বুলেঞ্চৰ খুন্দাত মৃত্যু (Death on the ambulance stretcher) হয় এগৰাকী যুৱতীৰ। নিহত যুৱতীগৰাকীৰ নাম লুনা ভৰদ্বাজ বুলি জানিব পৰা গৈছে৷ তেওঁ উত্তৰ শালমাৰাৰ বাসিন্দা বুলি প্ৰকাশ৷
আনহাতে এই দুৰ্ঘটনাটোত অচ্যুৎ বৰুৱা নামৰ এজন যুৱক গুৰুতৰভাৱে আঘাতপ্ৰাপ্ত হয়। উল্লেখ্য যে জে বি আইন মহাবিদ্যালয়ৰ শিক্ষাৰ্থী আছিল লুনা ভৰদ্বাজ। তদুপৰি দুদিন পিছতে তেওঁ এক্সিছ বেংকত যোগদানৰ কথা আছিল৷ আনহাতে আহত যুৱকজনক চিকিৎসাৰ বাবে গুৱাহাটী চিকিৎসা মহাবিদ্যালয় আৰু চিকিৎসালয়লৈ প্ৰেৰণ কৰা হয়। ইপিনে, দুৰ্ঘটনা সংঘটিত কৰিয়েই ১০৮ বাহনখনৰ চালকজনে পলায়ন কৰে। ইতিমধ্যে দিছপুৰ আৰক্ষীয়ে বাহনখন জব্দ কৰিছে৷
