ছত্তীশগড়ৰ চৰকাৰী গুদাম (Government warehouse of Chhattisgarh)ৰ পৰা ২৬ হাজাৰ কুইণ্টল ধান নিৰুদ্দেশ (26 thousand quintals of rice are unaccounted for)। বিষয়টো পোহৰলৈ অহাৰ লগে লগেই আলোড়নৰ সৃষ্টি কৰিছে। কিন্তু এই বিপুল পৰিমাণৰ ধান কেনেকৈ চুৰি হ’ল তাৰ কোনো সদুত্তৰ পোৱা নাই। ৰাজ্যৰ কবৰ্ধ জিলাত সংঘটিত হৈছে এই ঘটনা। অৱশ্যে কেৱল কবৰ্ধ ধান সংগ্ৰহ কেন্দ্ৰৰেই নহয়, আশে-পাশে থকা জিলাসমূহৰ চৰকাৰী গুদামসমূহৰ অৱস্থাও অতি বেয়া বুলি দাবী কৰিছে বিষয়াসকলে।
স্থানীয় সূত্ৰৰ পৰা জানিব পৰা মতে, কবৰ্ধা জিলাৰ চৰভটা আৰু বাঘৰা ধান সংগ্ৰহ কেন্দ্ৰৰ পৰা ধানচুৰিৰ অভিযোগ উত্থাপন হৈছে। ২০২৪-২৫ বিত্তীয় বৰ্ষত ন্যূনতম সমৰ্থন মূল্যত ৭ লাখ ৯৯ হাজাৰ কুইণ্টল ধান ক্ৰয় কৰা হয়। অভিযোগ অনুসৰি, ইয়াৰে ভিতৰত ২৬ হাজাৰ কুইণ্টল ধানৰ কোনো হিচাপ নাই। কেৱল চৰভটা কেন্দ্ৰৰ পৰা ২২ হাজাৰ কুইণ্টল ধান নোহোৱা হৈছে। যাৰ বৰ্তমান বজাৰ মূল্য ৭ কোটি টকা।
২৬ হাজাৰ কুইণ্টল ধান চুৰি হোৱাত হুলস্থুলৰ সৃষ্টি হোৱাৰ পিছত এই দুটা গুদামৰ পৰা কোনো ধানচুৰি হোৱা নাই বুলি দাবী কৰিছে বিষয়াসকলে। নিগনি আৰু উঁইপোকে (Bedbugs and lice) সেই ধান খোৱা বুলি দাবী (Claiming to eat rice)। একে সময়তে চৰকাৰী গুদামবোৰৰ অৱস্থা বৰ ভাল নহয় বুলি দাবী কৰিছে। তাত পোক-পৰুৱা, নিগনি আৰু উঁইপোকৰ প্ৰচণ্ড উৎপাত। ফলত চুৰি নহয়, ধানৰ ৰহস্যজনক অন্তৰ্ধানৰ বাবে বিষয়াসকলে নিগনি আৰু উঁইপোককে দোষাৰোপ কৰিছে।
ইয়াৰ উপৰি বতৰৰ বাবে ধান নষ্ট হোৱা বুলি দাবী কৰিছে অভিষেক মিশ্ৰ নামৰ আন এজন জিলা বিষয়াই। ইয়াৰ বাহিৰেও নিগনি আৰু উঁইপোকৰ আক্ৰমণৰ বাবে এনে ঘটনা সংঘটিত হৈছে। মিশ্ৰই লগতে কয় যে ৰাজ্যৰ ৬৫টা ধান সংগ্ৰহ কেন্দ্ৰৰ ভিতৰত কবৰ্ধ জিলাৰ সংগ্ৰহ কেন্দ্ৰসমূহৰ অৱস্থা দুখজনক। এই ঘটনা পোহৰলৈ অহাৰ লগে লগে ৰাজনৈতিক পৰিৱেশো গৰম হ’বলৈ আৰম্ভ কৰিছে। কংগ্ৰেছ নেতাসকলে দাবী কৰে যে প্ৰশাসন সময়মতে সজাগ হৈ থাকিলে ইমান বৃহৎ লোকচান নহ’লহেঁতেন। কংগ্ৰেছ কৰ্মী আৰু সমৰ্থকে নিগনি ধৰা পিঞ্জৰা লৈ প্ৰতিবাদ সাব্যস্ত কৰি ঘটনাৰ সম্যক তদন্তৰ দাবী জনাইছে।
