১৮৭৫ চনত বঙ্কিমচন্দ্ৰ চট্টোপাধ্যায়ে ‘বন্দে মাতৰম’ (Vande Mataram) গীতটো ৰচনা কৰিছিল। পিছলৈ ১৮৮২ চনত তেওঁ ইয়াক ‘আনন্দমঠ’ উপন্যাসত অন্তৰ্ভুক্ত কৰে। ‘বন্দে মাতৰম’ৰ এই বছৰ ১৫০ বছৰ সম্পূৰ্ণ হৈছে। সূত্ৰ অনুসৰি, কেন্দ্ৰই লোকসভাৰ এক বিশেষ অধিৱেশনত ‘বন্দেমাৰম’ৰ ওপৰত আলোচনাৰ আহ্বান জনাইছে।
আলোচনাৰ সময়ছোৱাত সাংসদসকলে স্বাধীনতা আন্দোলনত দেশপ্ৰেমমূলক গীতৰ ভূমিকা আৰু ভাৰতৰ সাংস্কৃতিক ঐতিহ্য আৰু সেইবোৰৰ সমসাময়িক প্ৰাসংগিকতাৰ বিষয়ে বক্তব্য আগবঢ়াব। প্ৰধান মন্ত্ৰী নৰেন্দ্ৰ মোডীয়েও আলোচনাত অংশগ্ৰহণ কৰিব।
নাম প্ৰকাশত অনিচ্ছুক এজন সাংসদে কয়, “বন্দে মাতৰমৰ ১৫০ সংখ্যক বাৰ্ষিকী উপলক্ষে এই সপ্তাহৰ শেষৰ ফালে লোকসভাত বিস্তৃত আলোচনাৰ সম্ভাৱনা আছে। এই আলোচনা সংসদৰ শীতকালীন অধিৱেশনৰ এক গুৰুত্বপূৰ্ণ অধ্যায় হ’বলৈ গৈ আছে। অধিৱেশনত ভাৰতৰ সাংস্কৃতিক ঐতিহ্য, স্বাধীনতা আন্দোলনত বন্দে মাতৰমৰ ভূমিকা আৰু সমসাময়িক ভাৰতত ইয়াৰ প্ৰাসংগিকতাৰ ওপৰত আলোচনা কৰা হ’ব। প্ৰধান মন্ত্ৰী নৰেন্দ্ৰ মোডীয়েও আলোচনাত অংশগ্ৰহণ কৰাৰ সম্ভাৱনা আছে।”
এই আলোচনাত বঙ্কিম চন্দ্ৰৰ অবিস্মৰণীয় মন্ত্ৰক সন্মান জনোৱা হ’ব যিয়ে অগণন প্ৰজন্মৰ স্বাধীনতা সংগ্ৰামী আৰু ৰাষ্ট্ৰীয় নায়কক অনুপ্ৰাণিত কৰিছে। বন্দে মাতৰম কিয় ভাৰতৰ জাতীয় পৰিচয় আৰু সামূহিক চেতনাৰ এক স্থায়ী প্ৰতীক? সংসদৰ এক বিশেষ অধিৱেশনতো এই বিষয়ে আলোচনা কৰা হ’ব।
সূত্ৰ অনুসৰি, বন্দে মাতৰমৰ আলোচনাৰ বাবে কমেও দহ ঘণ্টা আছুতীয়াকৈ ৰাখিব। কেইদিনমান পূৰ্বে বিৰোধীয়ে অভিযোগ কৰিছিল যে কেন্দ্ৰৰ নৰেন্দ্ৰ মোডী চৰকাৰে সংসদৰ শীতকালীন অধিৱেশনত ভোটাৰ তালিকা বা এছআইআৰৰ বিশেষ তীব্ৰ সংশোধনৰ ওপৰত কোনো আলোচনা বিচৰা নাই।
বৰঞ্চ গেৰুৱা শিবিৰে বংগৰ নিৰ্বাচনৰ কথা মনত ৰাখি বন্দে মাতৰমৰ দৰে বিষয় উত্থাপন কৰিব বিচাৰে। তেওঁলোকে ভোট বজাৰত বন্দে মাতৰমক উচটনি দিবলৈ চেষ্টা কৰি আছে। দৰাচলতে, শাসকীয় দল সেই দিশত আগবাঢ়িছে।
