নিশাৰ নিস্তব্ধতা ভাঙি হঠাতে হোৱা প্ৰচণ্ড শব্দ আৰু জুইৰ শিখাই থানাৰ ভিতৰত এক অভাৱনীয় পৰিৱেশৰ সৃষ্টি কৰে । লগে লগে ধ্বংসাৱশেষত পৰিণত হয় আৰু সিঁচৰতি হৈ পৰে শৰীৰৰ অংগ (JK Blast)।
জম্মু-কাশ্মীৰৰ শ্ৰীনগৰৰ নওগাম থানাত সংঘটিত ঘটনা সন্দৰ্ভত ছ’চিয়েল মিডিয়াত প্ৰচাৰিত হোৱা ভিডিঅ’ৰ পৰা এই দৃশ্য পোহৰলৈ আহিছে। আৰক্ষী থানাৰ সন্মুখৰ ঘৰটোৰ পৰা উদ্ধাৰ হৈছে চিচিটিভি কেমেৰাৰ ফুটেজ। ইয়াতেই বিস্ফোৰণৰ মুহূৰ্ত বন্দী হৈছে। তদুপৰি পৰৱৰ্তী সময়ৰ কেইবাখনো ছবি আৰু ভিডিঅ’ও ছ’চিয়েল মিডিয়াত ভাইৰেল হৈ পৰিছে।
নওগাম আৰক্ষী থানাত বহু পৰিমাণৰ এমোনিয়াম নাইট্ৰেট ৰখা হৈছিল। ফৰিদাবাদৰ পৰা জব্দ কৰা বিস্ফোৰক সামগ্ৰীৰ পৰীক্ষণ থানাৰ ভিতৰত চলি আছিল। শুকুৰবাৰে নিশা তাত হঠাৎ বিস্ফোৰণ ঘটে।
সংবাদ সংস্থা পি টি আইৰ বাতৰি অনুসৰি, এই বিস্ফোৰণত কমেও ৯ জন লোকৰ মৃত্যু হৈছে। ২৭ জন আহত হয়। মৃতকৰ সংখ্যা আৰু বৃদ্ধি পাব পাৰে। নিহতসকলৰ অধিকাংশই আছিল আৰক্ষীৰ ফৰেনছিক বিষয়া। চিচিটিভিৰ ফুটেজত দেখা গৈছে থানাৰ ভিতৰত হঠাতে অগ্নিকাণ্ড সংঘটিত হয়।
বিস্ফোৰণৰ প্ৰভাৱত পুনৰ থানাৰ বন্ধ খিৰিকী খোল খায় আৰু বন্ধ হৈ পৰে। আন এটা ভিডিঅ’ত থানাখনৰ গাতে লাগি থকা বৃহৎ এলেকা ধোঁৱাই আৱৰি থকা দেখা গৈছে। চাৰিওফালে ধ্বংসাৱশেষ। ইয়াৰ মাজতে অগ্নিনিৰ্বাপক বাহিনীয়ে থিয় হৈ জুই নুমুৱাবলৈ চেষ্টা কৰিছে।
স্থানীয় সূত্ৰৰ মতে, নোগাম আৰক্ষী থানাৰ পৰা ১৫ কিলোমিটাৰ দূৰৰ পৰা বিস্ফোৰণৰ শব্দ শুনা যায়। বিস্ফোৰণৰ প্ৰভাৱত থানাৰ পৰা বহু দূৰলৈ ছিটিকি পৰে মৃতদেহ আৰু দেহাংশ। ৩০০ মিটাৰ দূৰৈৰ পৰা উদ্ধাৰ হৈছে নিহত আৰক্ষীৰ দেহাংশ। ধ্বংসাৱশেষৰ তলত আৱদ্ধ হৈ পৰে শৰীৰৰ কিছু অংশ। সংশ্লিষ্ট লোকে উদ্ধাৰ কৰিবলৈ খৰধৰ কৰিবলগীয়া হৈছিল।
কাশ্মীৰৰ ডিজিপিয়ে কয়, “শুকুৰবাৰে নিশা ১১.২০ বজাত নোগাম থানাত বিস্ফোৰক সামগ্ৰীৰ নমুনা পৰীক্ষা কৰি থকা অৱস্থাত এটা বিস্ফোৰণ সংঘটিত হয়। ইয়াৰ আঁৰত আন কোনো কাৰণ নাই। এই ঘটনাত ৯ জন লোকৰ মৃত্যু হয়।” কাশ্মীৰৰ ডিজিপিয়ে কয়, “শুকুৰবাৰে নিশা ১১.২০ বজাত বিস্ফোৰক পৰীক্ষাৰ সময়ত নওগাম থানাত বিস্ফোৰণ সংঘটিত হয়।
ইয়াৰ আঁৰত আন কোনো কাৰণ নাই। এই ঘটনাত ৯ জন লোকৰ মৃত্যু হৈছে। আৰক্ষী জোৱানৰ সৈতে তিনিজন ফৰেনছিক বিশেষজ্ঞও উপস্থিত আছিল। ইয়াৰ উপৰি ২৭ জন আৰক্ষী জোৱান আৰু তিনিজন সাধাৰণ লোককে ধৰি মুঠ ৩৩ জন লোক আহত হয়। ক্ষতিগ্ৰস্ত হৈছে কাষৰীয়া অট্টালিকাসমূহো। বিস্ফোৰণৰ কাৰণ জানিবলৈ তদন্ত চলি আছে।”
