সমগ্ৰ ৰাজ্যৰ লগত সংগতি ৰাখি কাৰ্বি আংলং জিলাৰ সদৰ চহৰ ডিফুতো সোমবাৰে পুৱা ১০ বজাৰ পৰা ৰাষ্ট্ৰীয় স্বাস্থ্য মিচনৰ কৰ্মচাৰী সকলে তেওঁলোকৰ ৫ দফীয়া দাবীলৈ আৰম্ভ কৰিছে ৩, ৪ আৰু ৫ নৱেম্বৰলৈ তিনিদিনীয়া অৱস্থান ধৰ্মঘট কাৰ্যসূচী ৷
ডিফুস্থিত স্বাস্থ্য বিভাগৰ যুটীয়া সঞ্চালকৰ কাৰ্যালয় চৌহদত স্বাস্থ্য অভিযান কাৰ্বি আংলং জিলা সমিতিৰ সভাপতি ডঃ ৰতনছিং টেৰণ আৰু সম্পাদক ডাঃ সৌম্যজিৎ দাসৰ নেতৃত্বত ৰূপায়ন হোৱা ধৰ্মঘট কাৰ্যসূচীত প্ৰতিবাদকাৰী সকলে ক’লা বেজ পৰিধান কৰাৰ লগতে হাতে হাতে বেনাৰ, প্লেকাৰ্ড, ফেষ্টুন আদি লৈ উত্তাল প্ৰতিবাদ সাব্যস্ত কৰে ৷
তেওঁলোকৰ দাবী সমূহ ক্ৰমে, ৰাষ্ট্ৰীয় স্বাস্থ্য অভিযান, অসমৰ অধীনত কৰ্মৰত সকলো ধৰণৰ কৰ্মচাৰীলৈ পে স্কেল ব্যৱস্থা কার্যকৰী কৰি বেতন সুৰক্ষাসহ দৰমহা আয়োগমতে ও মহামান্য উচ্চতম ন্যায়ালয়ৰ ৰায় অনুসৰি সম কামৰ সম দৰমহা ও সম অধিকাৰ প্ৰদান কৰিব লাগে।
ৰাষ্ট্ৰীয় স্বাস্থ্য অভিযান, অসমৰ অধীনত কৰ্মৰত সকলো ধৰণৰ কৰ্মচাৰীলৈ ২০২১ চনৰ আছাম গেজেট নটিফিকেছন নম্বৰ এইছ এল এ ৪০৯/ ২০২০/পিটি/৫৫ সম্পূৰ্ণৰূপে কাৰ্যকৰী হোৱাকৈ ৰাজ্য চৰকাৰৰ নিয়মীয়া কৰ্মচাৰীৰ সম হাৰত গ্ৰেচুইটি, সম হাৰত পেঞ্চন, সম হাৰত মৃতকৰ সুবিধা, সম হাৰত ছাৰ্ভিছ বুক ফেচিলিটি ও অন্যান্য সা-সুবিধাসমূহ সম হাৰত প্ৰদান কৰিব লাগে।
কৰ্মচাৰীৰ গ্ৰেচুইটি আৰু পেঞ্চনৰ ক্ষেত্ৰত সুস্থিৰ নিৰ্দেশনা প্ৰকাশ কৰি অতি শীঘ্রেই কার্য্যকৰী কৰিব লাগে। কৰ্মচাৰীসকলক স্বাস্থ্য বিভাগত খালী হৈ থকা পদত পোনপটীয়াকৈ নিযুক্তি দিয়াৰ ব্যৱস্থা কৰাৰ লগতে ৰাজ্যত নতুন কৈ স্থাপিত স্বাস্থ্য অনুষ্ঠান সমূহত নতুন পদ সৃষ্টি কৰি এন এইচ এম কৰ্মচাৰীক নিযুক্তি দিয়াৰ ব্যৱস্থা কৰিব লাগে।
কৰ্মচাৰীৰ কৰ্মৰত অৱস্থাত মৃত্যু হ’লে পৰিয়ালত যদি যোগ্য ব্যক্তি থাকে নিযুক্তি ব্যৱস্থা কৰিব লাগে অন্যথ কৰ্মচাৰীজনৰ কৰ্মজীৱনৰ সম্পূৰ্ণ দৰমহা পৰিয়ালক প্ৰদান কৰাৰ ব্যৱস্থা কৰিব লাগে। সামাজিক সুৰক্ষা আইনৰ আওঁতাত কৰ্মচাৰীসকলক ই.পি.এফৰ ব্যৱস্থা কৰি লাগে।
