কাৰ্বি আংলং জিলাৰ 25 খন অধিক বিভিন্ন শিক্ষানুষ্ঠানৰ কন্যা শিক্ষাৰ্থী সকলক সামৰি আজি জিলা পৰ্যায়ত মুখ্য মন্ত্ৰী নিযুত মইনা আঁচনিৰ উদগনি চেক বিতৰণ কৰা হয় ।
জিলাখনৰ বিভিন্ন শিক্ষানুষ্ঠানৰ 4446 কন্যা শিক্ষাৰ্থী সকলৰ মাজত বিভিন্ন শিক্ষানুষ্ঠানক পৃথকে পৃথকে মুখ্য মন্ত্ৰী নিযুত মইনা আঁচনি ৰ চেক বিতৰণৰ পৰ্ব আৰম্ভ কৰা হয়। ডিফু স্হিত লাংকুং হাবে মেম’ৰিয়েল টাউন হলত কণ্যা ছাত্ৰী সকলৰ মাাা চেক সমূহ বিতৰণ কৰে কাৰ্বি আংলং স্বায়ত্তশাসিত পৰিষদৰ শিক্ষা বিভাগৰ ইএম ৰিচাৰ্ড টকবীয়ে ৷
উক্ত কাৰ্যসূচীত জিলা আয়ুক্ত নিৰলা ফাংচপী, বিদ্যালয় সমূহৰ পৰিদৰ্শক বীৰেণছিং ইংতি, ডিফু চৰকাৰী মহাবিদ্যালয়ৰ ভাৰপ্ৰাপ্ত অধ্যক্ষ মোৱাজ্জম হুছেইন বৰভূঁঞা আৰু গণ্যমান্য ব্যক্তি সকল উপস্থিত থাকে ৷
আনহাতে ডিফুৰ ৰেংবংহম উচচতৰ মাধ্যমিক বিদ্যালয়ত আয়োজিত মুখ্য মন্ত্ৰী নিযুত মইনা আঁচনি ৰ দ্বিতীয় সংস্কৰণৰ বিতৰণীৰ অনুষ্ঠানত মুখ্য অতিথি হিচাপে উপস্থিত থাকে কাৰ্বি আংলং স্বায়ত্তশাসিত পৰিষদৰ উপাধ্যক্ষ অজিত ক্ৰয়ে৷ শিক্ষানুষ্ঠানতোৰ উচচতৰ মাধ্যমিক বিদ্যালয়ৰ প্ৰথম আৰু দ্বিতীয় বৰ্ষত পঢ়ি থকা ছাত্ৰী সকলৰ মাজত আনুষ্ঠানিক ভাৱে মুখ্যমন্ত্ৰী নিযুত মইনা আঁচনি ৰ উদগনি চেক বিতৰণ কৰে।
প্ৰথম বাৰৰ বাবে বিদ্যালয়খনত ভৰি দিয়াৰ উপাধ্যক্ষ গৰাকীয়ে বিদ্যালয়খনক 50 টা দাষ্টবিন আৰু কিচেন গাৰ্দেন ৰ সামগ্ৰী প্ৰদান কৰা হব বুলি ভাষনত উল্লেখ কৰে। অনুষ্ঠানত মুখ্য মন্ত্ৰী নিযুত মইনা 2.0 কেন্দ্ৰীয় শুভাৰম্ভ অনুষ্ঠানো সমপ্রচাৰ কৰা হয়।
