জনতাৰ প্ৰাণৰ শিল্পী জুবিন গাৰ্গৰ মৃত্যুক আজিও কোনো জুবিন প্ৰেমীয়ে মানি ল’ব পৰা নাই ৷ সেয়ে আদ্যশ্ৰাদ্ধ হৈ যোৱাৰ পিছতো ৰাজ্যৰ চুকেকোণে জুবিন সোঁৱৰণী শ্ৰদ্ধাঞ্জলি অনুষ্ঠান সম্পন্ন হৈয়েই আছে ৷ দেওবাৰে পুৱা ১০ বজাৰ পৰা দিনজোৰা কাৰ্যসূচীৰে ডিফু চৰকাৰী বালক উচ্চতৰ মাধ্যমিক বিদ্যালয় খেল পথাৰত সদৌ অসম ছাত্ৰ সন্থা চমুকৈ আছু ৰ ডিফু আঞ্চলিকৰ প্ৰাণৰ শিল্পী জুবিন গাৰ্গলৈ শ্ৰদ্ধাঞ্জলি আৰু সৰ্বধৰ্ম প্ৰাৰ্থনা সভাৰ লগতে বন্তি প্ৰজলন, সাংস্কৃতিক সন্ধিয়াৰ আয়োজন কৰা হয় ৷
সন্ধিয়া ৫ বজাৰ পৰা আয়োজন কৰা এই অনুষ্ঠানত ডিফুৰ বহু কেইটা দল-সংগঠনৰ লগতে সকলো জুবিন প্ৰেমীক সকলে জুবিনৰ প্ৰাতিকৃতিত বন্তি প্ৰজলনেৰে শিল্পী গৰাকী শ্ৰদ্ধাঞ্জলি নিবেদন কৰা হয় ৷ পুৱাৰ ভাগত প্ৰাৰ্থনা সভাত হিন্দু ; জৈন ; খ্ৰীষ্টান ; ইছলাম ; বৌদ্ধ ; শিখ ; আদি ধৰ্মৰ বিজ্ঞ সকলে নিজৰ নিজৰ ধৰ্মগ্ৰন্থ পাঠ কৰি জুবিনৰ আত্মাৰ সদগতি কামনা কৰে ৷
