অৱশেষত ভূস্বৰ্গৰ লগত দেশৰ বাকী অংশৰ সংযোগ হ’বলৈ গৈ আছে। ইমান দিনে ৰে’লযোগে কটৰাৰ পৰা বাৰামুলালৈ যাবলৈ কোনো পথ নাছিল। প্ৰধানমন্ত্ৰী নৰেন্দ্ৰ মোদীয়ে (PM Narendra Modi) ১৯ এপ্ৰিলত বাৰামুলালৈ প্ৰথমখন বন্দে ভাৰত এক্সপ্ৰেছ উদ্বোধন কৰিবলৈ ওলাইছে।
উধমপুৰ-শ্ৰীনগৰ-বাৰামুলা ৰে’ল লিংক (ইউ এছ বি আৰ এল) প্ৰকল্পটো যদি প্ৰথম অৱস্থাত কটৰাৰ পৰা বাৰামুলালৈ সফল হয় তেন্তে ক্ৰমান্বয়ে জম্মুলৈ আৰু পিছলৈ শ্ৰীনগৰলৈ সম্প্ৰসাৰণ কৰা হ’ব।
বৰ্তমান জম্মু-কাশ্মীৰত চলি থকা এই ৰে’ল সেৱাই উত্তৰ কাশ্মীৰৰ ৰামবানৰ বাৰামুলা আৰু সংগলদানৰ মাজত ১৮৩ কিলোমিটাৰ দূৰত্ব অতিক্ৰম কৰিছে। দেশৰ বাকী অংশৰ পৰা ৰে’লবোৰ বৈষ্ণৱ দেৱী মন্দিৰৰ আধাৰ শিবিৰলৈ যাবলৈ ব্যৱহাৰ কৰা কটৰা ৰে’ল ষ্টেচনলৈ যায়।
কটৰাৰ পৰা বাৰামুলালৈ যাবলৈ ৰে’ল সলনি কৰিব লাগে। ইউ এছ আৰ বি এল প্ৰকল্প আৰম্ভ হ’লেই একেখন ৰে’লেৰে কটৰাৰ পৰা বাৰামুলালৈ যাত্ৰা সম্ভৱ হ’ব। অৱশ্যে এতিয়ালৈকে দিল্লী বা আন ডাঙৰ চহৰৰ পৰা কাশ্মীৰলৈ পোনপটীয়া ৰে’ল নাই। দৰাচলতে এই পথত এতিয়ালৈকে কেইবাখনো ৰে’ল পৰীক্ষামূলকভাৱে চলোৱা হৈছে। প্ৰতিবাৰেই সফল হৈছে।
ৰে’লপথৰ নিৰাপত্তাজনিত বিষয়সমূহো ৰে’ল বিষয়াসকলে চোৱাচিতা কৰে।
বাতৰিৰ সূত্ৰ অনুসৰি, প্ৰধানমন্ত্ৰীয়ে কটৰালৈ নতুন ৰে’ল সেৱা উদ্বোধন কৰাৰ পূৰ্বে ৰিয়াছি জিলাৰ চন্দ্ৰভাগা সেতু (চেনাব দলং) পৰিদৰ্শন কৰিব পাৰে। তেওঁৰ ভ্ৰমণত বিশ্বৰ অন্যতম উচ্চ দলং চেনাব দলং নিৰ্মাণৰ অগ্ৰগতিৰ বুজ ল’ব পাৰে।
উল্লেখযোগ্য যে ভৱিষ্যতে জম্মু-কাশ্মীৰৰ সংযোগত ই কিমান সহায় কৰিব পাৰে সেই সন্দৰ্ভত প্ৰধানমন্ত্ৰীয়ে বুজ লোৱাৰ সম্ভাৱনা আছে। নতুন দিল্লীলৈ উভতি অহাৰ পূৰ্বে ৰাজহুৱা সভাও অনুষ্ঠিত কৰিব পাৰে। উদ্বোধনী অনুষ্ঠানত ৰে’ল মন্ত্ৰী অশ্বিনী বৈষ্ণৱ, জম্মু-কাশ্মীৰৰ মুখ্যমন্ত্ৰী ওমৰ আব্দুল্লাকে ধৰি বহুকেইজন ব্যক্তি উপস্থিত থকাৰ সম্ভাৱনা আছে।
