ASSAM TIMES POST
নিউজ ডেস্কঃ আমাৰ সূৰ্যৰ জন্মৰ আগেয়ে ব্ৰহ্মাণ্ডত যে আদিমতম কঠিন পদাৰ্থৰ সৃষ্টি হৈছিল তাৰ প্ৰমাণ লাভ কৰা হৈছে৷ ৫৫০ কোটি বছৰ আগৰ ব্ৰহ্মাণ্ডৰ প্ৰচণ্ড তাপমাত্ৰাত এই কঠিন পদাৰ্থৰ বেছি ক্ষণ বৰ্তি থকা একেবাৰেই অসম্ভৱ আছিল৷
এই প্ৰচণ্ড তাপমাত্ৰাত কোনো কঠিন পদাৰ্থ গলি বা বাস্পীভূত হৈ যায়৷ এই কঠিন পদাৰ্থটো পোৱা গৈছে ৫১ বছৰ আগেয়ে উত্তৰ মেক্সিকোত পৰা এটা উল্কা পিণ্ডৰ পৰা৷ ইয়াৰ নাম ‘আলেন্দে’৷ ১৯৬৯ চনৰ ফেব্ৰুৱাৰীত আলেন্দে পৃথিৱীত পৰে৷ ব্ৰহ্মাণ্ডৰ আদিমতম এই কঠিন পদাৰ্থক ‘প্ৰি-ছ’লাৰ গ্ৰেইনছ’ বুলি কোৱা হয়৷
আলেন্দে আছিল বগা পদাৰ্থ৷ কিন্তু কি দৰে গঠিত সেয়া জনাৰ সম্ভৱ নাছিল৷ ৰাসায়নিক বিশ্লেষণৰ পৰা জানিব পৰা গ’ল যে এই পদাৰ্থ কেলচিয়াম আৰু এলুমিনিয়াম যৌগৰে গঠিত৷ তাৰ লগতে আছে ছিলিকল আৰু কাৰ্বনৰ যৌগ ছিলিকন কাৰ্বাইড৷
উল্লেখ্য যে সূৰ্যৰ জন্মৰ আগেয়ে ব্ৰহ্মাণ্ডৰ জন্ম৷ আজিৰ পৰা ৫০০-৫৫০ কোটি বছৰ আগেয়ে ব্ৰহ্মাণ্ডৰ সৃষ্টি৷ ছেইণ্ট লুইচে ৱাশ্বিংটন বিশ্ববিদ্যালয়ৰ এক গৱেষণা পত্ৰত এই কথা প্ৰকাশ কৰিছে৷
