দুদিনীয়া কাৰ্যসূচীৰে খানাপাৰাত অনুষ্ঠিত অসম চৰকাৰৰ বিনিয়োগ সন্মিলন এডভাণ্টেজ আছাম ২.০ (Advantage Assam 2.0) মঙলবাৰে আনুষ্ঠানিকভাৱে উদ্বোধন (Officially inaugurated) কৰে প্ৰধানমন্ত্ৰী নৰেন্দ্ৰ মোদী (Narendra Modi)য়ে। অনুষ্ঠানত অসমৰ মুখ্যমন্ত্ৰী ডঃ হিমন্ত বিশ্ব শৰ্মাই উদ্বোধনী ভাষণ আগবঢ়ায়।
অনুষ্ঠানত উপস্থিত থাকে ৰাজ্যপাল লক্ষ্মণ প্ৰসাদ আচাৰ্য, কেন্দ্ৰীয় মন্ত্ৰী এছ জয়শংকৰ, সৰ্বানন্দ সোনোৱাল, জ্যোতিৰদিত্য সিন্ধীয়া, ত্ৰিপুৰাৰ মুখ্যমন্ত্ৰী মাণিক সাহা, দেশ-বিদেশৰ কেইবাগৰাকীও উদ্যোগপতি, বিদেশী ৰাষ্ট্ৰদূত আৰু মন্ত্ৰী পৰিষদৰ সদস্যসকলৰ লগতে অন্যান্য বিশিষ্ট ব্যক্তিসকল।
অনুষ্ঠানত টাটা গ্ৰুপ, ৰিলায়েন্স ইণ্ডাষ্ট্ৰিজ, আদানি গ্ৰুপ আদিৰ কৰ্ণধাৰসকল উপস্থিত থাকি অসমত বিনিয়োগৰ কথা ঘোষণা কৰে।
কোনে কি বিনিয়োগ কৰিব —
– এছাৰ গ্ৰুপৰ প্ৰশান্ত ৰুইয়াৰ ৰাজ্যত নৱীকৰণযোগ্য শক্তি খণ্ডত বিনিয়োগৰ বাবে ২,১০০ কোটি টকাৰ বুজাবুজি চুক্তিত স্বাক্ষ।
– জিন্দাল গ্রুপৰ সজ্জন জিন্দালৰ অসমত চিমেণ্ট আৰু শক্তি খণ্ডত বিনিয়োগৰ ঘোষণা।
– বেদান্ত গ্ৰুপৰ অনিল আগৰৱালাই আগন্তুক ২ বছৰত অসমত ১,০০,০০০ বেৰেল তেল উৎপাদন কৰাৰ কথা ঘোষণা।
– টাটা গ্রুপৰ অধ্যক্ষ এন চন্দ্ৰশেখৰনৰ ম’বাইল ফোন প্ৰযুক্তি সুবিধাত বিনিয়োগ আৰু ৰাজ্যত ৩০,০০০ চাকৰি সৃষ্টি কৰাৰ পৰিকল্পনাৰ কথা ঘোষণা।
– আগন্তুক বর্ষসমূহত ৰাজ্যত ৫০,০০০ কোটি টকা বিনিয়োগৰ প্রতিশ্রুতি গৌতম আদানীৰ।
– আগন্তুক ৫ বছৰত ৫০ হাজাৰ কোটি বিনিয়োগৰ ঘোষণা মুকেশ আম্বানীৰ।
