দেওবাৰে সন্ধিয়া ৬ বাজি ৩০ মিনিটত অসম -নাগালেণ্ড সীমান্তৰ লাহৰিজানত আৰক্ষীয়ে সন্দেহযুক্ত হেৰইন সহ দুজন সৰবৰাহকাৰীক আটক কৰিবলৈ সক্ষম হয়৷ এক গোপন খবৰৰ ভিত্তিত লাহৰিজান গেইটৰ ওচৰত এক নাকা স্থাপন কৰে খটখটী আৰক্ষীয়ে ৷
উক্ত সময়ত গৌতম বস্তিৰ পৰা লাহৰিজান অভিমুখে নম্বৰ প্লেট বিহীন ইয়ামাহা এমটি মটৰ চাইকেলেৰে আহি থকা অৱস্থাত ডিমাপুৰ বৰ্মা কেম্পৰ জামাল হুছেইন ( ২৮)লোকজনক তালাচী চলাই দুটা চাধা টেমাত ভৰাই অনা ১৪ ‘ ৬০ গ্ৰাম হেৰইন উদ্ধাৰ কৰিবলৈ সক্ষম হয় আৰক্ষী আৰু গাওঁৰক্ষী বাহনিয়ে ৷
পিছত জামাল হুছেইনৰ স্বীকাৰোক্তিৰ ভিত্তিত লাহৰিজান নতুন বস্তিৰ আব্দুল কাদিৰ (৩৭)কো আটক কৰে আৰক্ষীয়ে ৷ খটখটী থানাৰ অচি নিতুল, শইকীয়া, বোকাজানৰ চিআই নৱ শইকীয়া, এছআই অমৰজ্যোতি শৰ্মা আৰু বিমান চেতিয়াৰ লগতে থানা ষ্টাফৰ সহযোগত চলিছিল নাকা তালাচী অভিযান৷
