🔴 BREAKING | হাতীগাঁও আৰক্ষীৰ জালত তিনি সন্দেহযুক্ত চাইবাৰ অপৰাধী

হাতীগাঁৱৰ Star Inn হোটেলত আৰক্ষীৰ অভিযান। অভিযানত তিনিজন সন্দেহযুক্ত চাইবাৰ অপৰাধীক আটক কৰি জেৰা চলাইছে হাতীগাঁও আৰক্ষীয়ে।

আৰক্ষীৰ অভিযানৰ মাজতে আন দুজন সন্দেহযুক্ত চাইবাৰ অপৰাধীয়ে Scorpio বাহনেৰে আৰক্ষীৰ সন্মুখৰ পৰাই পলায়ন কৰাৰ অভিযোগ।

আটকাধীন লোককেইজনৰ পৰা কেইবাখনো ATM কাৰ্ড আৰু মোবাইল ফোন জব্দ কৰিছে আৰক্ষীয়ে। জব্দকৃত সামগ্ৰী পৰীক্ষাৰ লগতে আটকাধীন লোককেইজনক জেৰা অব্যাহত ৰাখিছে আৰক্ষীয়ে।

ইফালে, হাতীগাঁও অঞ্চলত বিগত সময়ছোৱাত হোটেল আৰু লজৰ সংখ্যা বৃদ্ধি পোৱাক লৈ স্থানীয় লোকৰ মাজত উদ্বেগ বৃদ্ধি পাইছে। একাংশ হোটেল-লজত অনৈতিক কাৰ্যকলাপ সংঘটিত হোৱাৰ অভিযোগ উত্থাপন কৰিছে স্থানীয় বাসিন্দাই।

হাতীগাঁও নাৰী দেহ ব্যৱসায়ৰ ঘাটীলৈ পৰিণত হোৱাৰো অভিযোগ উঠিছে। অৱশ্যে এই অভিযোগসমূহৰ সত্যতা আৰক্ষীৰ তদন্ততহে স্পষ্ট হ’ব।

চাইবাৰ অপৰাধৰ সৈতে আটকাধীন লোককেইজনৰ সম্পৰ্ক, পলায়ন কৰা দুজনৰ পৰিচয় আৰু ঘটনাটোৰ আঁৰত থকা সমগ্ৰ নেটৱৰ্কৰ সন্ধানত তদন্ত অব্যাহত ৰাখিছে আৰক্ষীয়ে।