মঙলবাৰে পুৱা প্ৰায় চাৰে এঘাৰ বজাত ডিফু (In Diphu)ত কাৰবি আংলং জিলা কংগ্ৰেছ (Karbi Anglong District Congress)ৰ উদ্যোগত এপিডিচিএলৰ স্মাৰ্ট মিটাৰৰ বিৰুদ্ধে (Against APDCL’s Smart Meter) সাব্যস্ত কৰা হয় উত্তাল প্ৰতিবাদ (Protests) ৷
এই উদ্দেশ্যে কাৰবি আংলং জিলা কংগ্ৰেছৰ ভাৰপ্ৰাপ্ত সভাপতি বিদ্যাছিং ৰংপিৰ নেতৃত্বত কংগ্ৰেছ নেতা-কৰ্মীসকলে ডিফু চহৰৰ মাজেৰে এক সমদল বাহিৰ কৰি চৰকাৰৰ হঠকাৰী সিদ্ধান্তৰ বিৰুদ্ধে বিভিন্ন শ্ল’গান দি ডিফুৰ আকাশ-বতাল উত্তাল কৰি তোলে ৷
ইয়াৰ পিছত ডিফুস্থিত এপিডিচিএলৰ উপ-মহা প্ৰৱন্ধকৰ জৰিয়তে সংশ্লিষ্ট শীৰ্ষ বিভাগলৈ এক স্মাৰক পত্ৰ প্ৰেৰণ (Sending memorandum) কৰে ৷
প্ৰতিবাদকাৰীসকলে হাতে হাতে বেনাৰ, প্লে কাৰ্ড, ফেষ্টুন আদি লৈ স্মাৰ্ট মিটাৰ বন্ধ কৰক, বিদ্যুৎ বিল ৰোধ কৰক, বিজেপি চৰকাৰৰ লুণ্ঠন বন্ধ কৰক৷ সাধাৰণ ৰাইজক হাৰাশাস্তি বন্ধ কৰক, কংগ্ৰেছ জিন্দাবাদ আৰু বিজেপি মুৰ্দাবাদ ধ্বনিৰে প্ৰতিবাদ সাব্যস্ত কৰে৷
সাংবাদিকৰ সৈতে হোৱা বাৰ্তালাপত কাৰবি আংলং জিলা কংগ্ৰেছৰ ভাৰপ্ৰাপ্ত সভাপতি বিদ্যাছিং ৰংপি (Vidyasing Rangpi)য়ে কয় যে, উক্ত স্মাৰ্ট মিটাৰ স্থাপনৰ জৰিয়তে এপিডিচিএল আৰু বিজেপি চৰকাৰে ৰাইজক লুণ্ঠন চলাইছে ৷ ৰাইজৰ অজ্ঞাতে আৰু অনুমতি অবিহনে ৰাইজৰ ঘৰত স্মাৰ্ট মিটাৰসমূহ স্থাপন কৰিছে৷ উক্ত স্মাৰ্ট মিটাৰত পূৰ্বতকৈ অধিক বিলৰ টকা গ্ৰাহকে পৰিশোধ কৰিবলৈ বাধ্য হৈছে৷ সেয়ে এই স্মাৰ্ট মিটাৰৰ আঁচনি চৰকাৰে শীঘ্ৰে প্ৰত্যাহাৰ কৰিব লাগে৷
আজিৰ প্ৰতিবাদী কাৰ্যসূচীত জিলা কংগ্ৰেছৰ সভাপতিকে ধৰি উপ-সভাপতিসকল ৰতন ইংতি, প্ৰদীপ ছিংনাৰ, জগতছিং ইংতি, সাধাৰণ সম্পাদক প্ৰদীপ ডিফুছা অসম প্ৰদেশ মহিলা কংগ্ৰেছ কমিটিৰ সম্পাদিকা পূৰ্ণিমা ৰংহাঙপী আৰু লুম্বজং মণ্ডল মহিলা কংগ্ৰেছৰ সভানেত্ৰী ছেৰিশ্মা ৰংপিপীয়েও অংশগ্ৰহণ কৰে৷
