এগৰাকী ১৩ বছৰীয়া কিশোৰীক পাঁচ দিন ধৰি দলবদ্ধ ধৰ্ষণ (Gang Rape Minor)ৰ অভিযোগ। শেহতীয়াকৈ এই ঘটনা সংঘটিত হৈছে অৰুণাচল প্ৰদেশৰ আপাৰ সোৱণশিৰি (Upper Suwansiri in Arunachal Pradesh) জিলাত। পৰিয়ালটোৰ অভিযোগৰ ভিত্তিত ইতিমধ্যে আৰক্ষীয়ে ৫জন অভিযুক্তক গ্ৰেপ্তাৰ (5 accused arrested) কৰিছে। গ্ৰেপ্তাৰ কৰা আটাইকেইজনৰ বয়স ২০ৰ পৰা ৩০ বছৰৰ ভিতৰত। আৰক্ষীয়ে তেওঁলোকৰ বিৰুদ্ধে পক্সো (POCSO) আইন আৰু ভাৰতীয় দণ্ডবিধিৰ একাধিক ধাৰাত গোচৰ ৰুজু কৰিছে। ২৮ জুলাইতে অভিযুক্তক গ্ৰেপ্তাৰ কৰা হয় যদিও দেওবাৰেহে এই ঘটনা পোহৰলৈ আহে।
স্থানীয় আৰক্ষী থানাত নাবালিকাগৰাকীৰ জ্যেষ্ঠ ভাতৃয়ে দলবদ্ধ ধৰ্ষণৰ এজাহাৰ দাখিল কৰিছিল। অভিযোগ অনুসৰি, ২২ জুলাইত তেওঁক অপহৰণ কৰি এজন অপহৰণকাৰীৰ ঘৰলৈ লৈ যায়। ইয়াৰ পিছত নাবালিকাগৰাকীক তাতেই পাঁচ দিন বন্দী কৰি ৰাখি দলবদ্ধ ধৰ্ষণ কৰে।
আপাৰ সোৱণশিৰি জিলাৰ আৰক্ষী অধীক্ষক টুটান জাম্বাই এক সৰ্বভাৰতীয় সংবাদ মাধ্যমক জনোৱা মতে, ভুক্তভোগীৰ ভাতৃয়ে কৰা অভিযোগৰ ভিত্তিত দেওবাৰে ৫জন লোকক গ্ৰেপ্তাৰ কৰা হয়। ইয়াৰ উপৰি শাৰীৰিক পৰীক্ষাও কৰা হয়। আৰক্ষী অধীক্ষকে আটক কৰা প্ৰতিজনৰ বয়স ২০ৰ পৰা ৩০ বছৰৰ ভিতৰত বুলি জানিবলৈ দিয়ে। তেওঁ দাবী কৰে যে এফ আই আৰ দাখিল কৰাৰ ২৪ ঘণ্টাৰ ভিতৰতে আৰক্ষীয়ে অভিযুক্তক গ্ৰেপ্তাৰ কৰে।
