আজি সমগ্ৰ দেশৰ লগতে অসমতো ৭৮ সংখ্যক স্বাধীনতা দিৱস উদযাপন কৰা হয়। গুৱাহাটীৰ খানাপাৰা (Khanapara in Guwahati)ৰ পশু চিকিৎসা মহাবিদ্যালয় খেলপথাৰ (Veterinary College Playground)ত আয়োজিত কেন্দ্ৰীয় স্বাধীনতা দিৱসৰ কাৰ্যসূচী (Independence Day Program)ত পতাকা উত্তোলন (Flag hoisting) কৰে মুখ্যমন্ত্ৰী ডঃ হিমন্ত বিশ্ব শৰ্মা (CM Dr. Himanta Biswa Sarma)ই। লগতে তেওঁ আৰক্ষীৰ অভিবাদনো গ্ৰহণ কৰে।
আনহাতে, স্বাধীনতা দিৱস উপলক্ষে ৰাজ্যৰ জনসাধাৰণক সম্বোধি দিয়া ভাষণত তেওঁ ৰাজ্যখনৰ বৰ্তমান পৰিস্থিতি আৰু উন্নয়নৰ বাবে গ্ৰহণ কৰা কেইবাটাও বিষয়ৰ ওপৰত আলোকপাত কৰে। মুখ্যমন্ত্ৰীৰ ভাষণ (Chief Minister’s Speech)ৰ সাৰাংশ তলত দিয়া হ’ল :
- বাংলাদেশত থকা হিন্দু, শিখ আৰু খ্ৰীষ্টানসকলৰ বাবে মই চিন্তিত। বাংলাদেশৰ হিন্দুসকলক প্ৰধানমন্ত্ৰীয়ে নিৰাপত্তা দিব বুলি মোৰ বিশ্বাস। অসম-বাংলা সীমান্ত সুৰক্ষিত কৰা হৈছে আৰু এজনো বাংলাদেশীক আহিবলৈ দিয়া নহ’ব।
- চৰাইদেউ মৈদাম বিশ্ব ঐতিহ্যত অন্তৰ্ভুক্ত হোৱাটো মোৰ ৰাজনৈতিক জীৱনৰ এক অনন্য প্ৰাপ্তি।
- টাটা গ্ৰুপৰ ২৭ হাজাৰ কোটি টকীয়া জাগীৰোডৰ ছেমি কণ্ডাক্টৰ উদ্যোগ আমাৰ চৰকাৰৰ আন এক প্ৰপ্তি। গুৱাহাটী ৰিং ৰোড প্ৰকল্পও একেদৰে আন এক প্ৰাপ্তি।
- ২০২৩-২৪ বৰ্ষত ৰাজ্যৰ ঘৰুৱা উৎপাদনৰ ক্ষেত্রত ১৩.৯ শতাংশ আৰু জনমূৰি আয়ৰ ক্ষেত্রত ১২.৮৪ শতাংশ বৃদ্ধিৰে অসমে দেশৰ দ্ৰুত বিকশিত প্ৰথম পাঁচখন ৰাজ্যৰ ভিতৰত অন্তৰ্ভুক্ত হ’বলৈ সক্ষম হৈছে।
-
গুৱাহাটীৰ খানাপাৰাৰ পশু চিকিৎসা মহাবিদ্যালয় খেলপথাৰত আয়োজিত কেন্দ্ৰীয় স্বাধীনতা দিৱসত নৃত্য অনুষ্ঠান - অসমৰ ভৱিষ্যৎ সুৰক্ষিত নহয়। হিন্দু-মুছলমানৰ জনসংখ্যাৰ মাজৰ ভাৰসাম্য লাহে লাহে কমি আহিছে। মুছলমানৰ জনসংখ্যা ৪১ শতাংশলৈ বৃদ্ধি হৈছে। আনহাতে, হিন্দুৰ ৫৭ শতাংশলৈ হ্ৰাস পাইছে। আমি পূৰ্বৰ পৰিৱেশ ঘূৰাই আনিব লাগিব।
- অহা ২ অক্টোবৰৰ পৰা আৰম্ভ হ’বলগীয়া ‘ৰাইট টু পাব্লিক ছাৰ্ভিচ’ আয়োগৰ দ্বাৰা চৰকাৰী কৰ্মচাৰীৰ কামৰ গাফিলতিৰ অভিযোগ দিব পাৰিব। দোষী সাব্যস্ত কৰ্মচাৰীক জৰিমনা বিহা হ’ব।
- চলিত বৰ্ষৰ ৩১ মে’লৈ অসমত মুঠ ৫,৪১৩ টা বাল্যবিবাহৰগোচৰ ৰুজু হৈছে। ২০২৬ চনৰ ভিতৰত বাল্যবিবাহ নিৰ্মূল কৰা হ’ব।
- ২০ লাখ পৰিয়ালক নতুনকৈ ৰেচন কাৰ্ড দিয়া হ’ব।
- অসমত ৰাষ্ট্ৰীয় উদ্যানৰ সংখ্যা ৮ খনলৈ বৃদ্ধি। বি টি এ ডিত দুখন হৈছে ৰাষ্ট্ৰীয় উদ্যান।
- ৰাজ্যত ৭৪ টা নতুন মহকুমা গঠনৰ কৰা হ’ব।
- ২ অক্টোবৰ পৰা আৰম্ভ হ’ব মিছন বসুন্ধৰা ৩.০।
- জনজাতীয় লোকৰ মাটি অন্য সম্প্ৰদায়লৈ হস্তান্তৰ ৰোধৰ বাবে আইন অনা হ’ব। গোৱালপাৰাৰ জনজাতীয় লোকৰ মাটি বিক্ৰী কৰিব নোৱাৰিব।
- ১ লাখ নিযুক্তি শীঘ্ৰে অতিক্ৰম কৰি ডেৰ লাখত ভৰি দিম। ৯০৩ টা নিযুক্তি সম্পূৰ্ণ হ’লেই ১ লাখ নিযুক্তিৰ প্ৰতিশ্ৰুতি পূৰণ হ’ব।
- অসমৰ দৰিদ্ৰ লোকৰ জনসংখ্যা ২০১৩-১৪ বৰ্ষৰ ৩৬.৯৭ শতাংশৰ পৰা বৰ্তমান ১৪.৪৭ শতাংশলৈ হ্ৰাস পাইছে। বিকশিত ৰাজ্যৰ পথত আগবাঢ়িছে অসম।
- খিলঞ্জীয়াৰ প্ৰতি ভাবুকি আহিছে। ১২-১৩ খন জিলাত আমি সংখ্যালঘুত পৰিণত হৈছোঁ। তাৰ বাবে নতুন প্ৰচেষ্টা হাতত ল’ব বিচাৰিছোঁ।
- বৰপেটা, মাজুলী আৰু বটদ্ৰৱাৰ ভূমি অন্য সম্প্ৰদায়ৰ হাতলৈ যোৱাটো ৰোধ কৰাৰ বাবে এখন কঠোৰ ৰাজহ আইন অনাৰ বাবে সিদ্ধান্ত গ্ৰহণ কৰিছোঁ।
