শুকুৰবাৰে সন্ধিয়া লাহৰিজানত খটখটী আৰক্ষীৰ পৃথক পৃথক অভিযানত তিনিটা ড্ৰাগছ সৰবৰাহকাৰী আটক কৰিবলৈ সক্ষম হয় ৷ এক গোপন খবৰৰ ভিত্তিত খটখটী আৰক্ষীয়ে লাহৰিজান টেক্স গেইটৰ সমীপত এটা ভাৰাতীয়া ৰুমৰ ভিতৰৰ পৰা তিনিটা চাধাৰ টেমাত সৰ্বমুঠ ২৫.৭৩০ গ্ৰাম হেৰইন সহ কমৰুল হুছেইনক আটক কৰে অভিযানকাৰী দলটোৱে ৷
কমৰুল হুছেইনৰ স্বীকাৰোক্তিৰ ভিত্তিত ড্ৰাগছ সৰবৰাহৰ সৈতে জড়িত আব্দুল কালামক আটক কৰে।পৰবৰ্তী সময়ত পুণৰ আন এক গোপন খবৰৰ ভিত্তিত লাহৰিজান ৩৯ নং ৰাষ্ট্ৰীয় ঘাইপথত খোজ কাঢ়ি গৈ থকা ব্যক্তি এজনক তালাচী চলাই তিনিটা চাধাৰ টেমাত সৰ্বমুঠ ২০. ০৪০ গ্ৰাম হেৰইন উদ্বাৰ কৰাৰ পিছত ব্যক্তিজনৰ লাহৰিজানৰ কালী মন্দিৰৰ সন্মূখৰ বাগান বস্তিৰ ভাৰাটীয়া ৰুমত অভিযান চলাই দুটা চাধাৰ টেমা ১২.৬৯০ গ্ৰাম হেৰইন উদ্বাৰ কৰে।
ব্যক্তিজনৰ নাম কালাচান্দ আলী ৷ তেওঁ লাহৰিজান দুদুকলনী বাসিন্দা বুলি জানিব পৰা গৈছে । অধিক তথ্যৰ বাবে আৰক্ষীয়ে তদন্ত অব্যাহত ৰাখিছে বুলি জানিব পৰা গৈছে ৷
