পশ্চিম কাৰ্বিআংলঙৰ বৈঠালাংছ’ (Baithalangso of West KarbiAnglong)ৰ লেঙেৰীস্থিত কাৰ্বি লাংপি জলবিদ্যুত (Karbi Langpi hydropower at Langeri) প্ৰকল্পৰ মহাপ্ৰৱন্ধকৰ কাৰ্যালয়ত উত্তপ্ত পৰিস্থিতি। মহাপ্ৰৱন্ধকৰ কাৰ্যালয়ৰ মূল গেইট তলাবন্ধ (main gate lockdown in the office of the general manager) কৰি কাৰ্বি ছাত্ৰ সন্থাৰ উত্তাল প্ৰতিবাদ। প্ৰতিবাদথলীত উপস্থিত হোৱা প্ৰকল্প মহাপ্ৰৱন্ধকক তীব্ৰ ককৰ্থনা প্ৰতিবাৰকাৰী। বিগত ১৭ বছৰৰ পৰা প্ৰকল্পটোত নিৰাপত্তাৰক্ষী হিচাপে নিয়োজিত হৈ থকা ৩৯ জনকৈ স্থানীয় যুৱকক চাকৰিৰ পৰা বৰ্খাস্ত কৰাক কেন্দ্ৰ কৰি কাৰ্বি ছাত্ৰ সন্থাৰ এই প্ৰতিবাদ।
চাকৰিৰ পৰা বৰ্খাস্ত কৰা আটাইকেইজনকে বিদ্যুত পৰিষদে নিযুক্তি প্ৰদান কৰি পৰিচালনাৰ বাবে হস্তান্তৰ কৰিছিল ব্যক্তিগত ঠিকাদাৰী প্ৰতিষ্ঠানক।কিন্তু যোৱা জুলাই মাহৰ এক তাৰিখে কোনোধৰণৰ জাননী নিদিয়াকৈ আটাইকেইজনকে বৰ্খাস্ত কৰা বুলি ঘোষণা কৰে কাৰ্বি লাংপি জলবিদ্যুত প্ৰকল্পৰ লেঙেৰী কাৰ্যালয়ে।
জলবিদ্যুত প্ৰকল্পটোৰ নিৰ্মানৰ স্বাৰ্থত নিজৰ ভূমি-সম্পত্তি দান দিয়া এই সকল স্থানীয় যুৱকক স্থায়ী ৰূপত নিযুক্তি প্ৰদান কৰা আশ্বাস প্ৰদান কৰিছিল তদানীন্তন মুখ্যমন্ত্ৰী তৰুণ গগৈৰ লগতে শক্তিমন্ত্ৰী প্ৰদ্যুৎ বৰদলৈয়ে।কিন্তু ইয়াৰ বিপৰীতে হঠাৎ অস্থায়ী ৰূপত কৰি থকা নিৰাপত্তাৰক্ষীৰ চাকৰিটো হেৰুৱাই এতিয়া দিশহাৰা হৈ পৰিছে এই সকল স্থানীয় যুৱক।
