কাৰবি আংলং জিলা (Karbi Anglong) আৰক্ষীৰ তিনি আৰক্ষী বিষয়াক অসম আৰক্ষী শিশু মিত্ৰ এৱাৰ্ড প্ৰদান কৰা হৈছে ৷প্ৰাপ্ত খবৰ অনুসৰি বিভিন্ন সময়ত অসমত বিভিন্ন জটিল পৰিস্থিত শিশু সন্তান উদ্ধাৰ কাৰ্যত সফলতা লাভ কৰা অসমৰ ২১ গৰাকী আৰক্ষীৰ লগত কাৰবি আংলঙৰ তিনি আৰক্ষী বিষয়াইয়ো লাভ কৰিছে এই সন্মান জনক বঁটা ৷
দেউবাৰে সন্ধিয়া গুৱাহাটীৰ উলুবাৰীৰ অসম পুলিছ ইনষ্টিটিউচনত আৰক্ষী বিষয়া সকলক অসম আৰক্ষীৰ সঞ্চালক প্ৰদান জিপি সিঙে এই বঁটা প্ৰদান কৰা বুলি জানিব পৰা গৈছে ৷
শিশু মিত্ৰ বঁটা প্ৰাপ্ত কাৰবি আংলং জিলাৰ তিনি আৰক্ষীৰ বিষয়া সকল ক্ৰমে, ডিলাই থানাৰ ভাৰপ্ৰাপ্ত বিষয়া আকাশ গগৈ, বকলীয়াঘাট থানাৰ ভাৰপ্ৰাপ্ত বিষয়া ৰাজু দুৱৰা আৰু মাঞ্জা থানাৰ ভাৰপ্ৰাপ্ত বিষয়া স্বমধন স্বৰ্গীয়াৰী বুলি জানিব পৰা গৈছে ৷
