অহা বছৰ অনুষ্ঠিত হ’বলগীয়া চেম্পিয়নছ ট্ৰফী ক্ৰিকেট (Champions Trophy Cricket) খেলিবলৈ পাকিস্তানলৈ নাযায় (Don’t go to Pakistan) ভাৰতীয় ক্ৰিকেট দল (Indian cricket team)। বিগত কেইবছৰমানৰ পৰিঘটনাৰ প্ৰতি লক্ষ্য ৰাখি এইটো আশা কৰিব পাৰি। কিন্তু অভাৱনীয় কথাটো হৈছে যে এইবাৰ ভাৰত অবিহনেই চেম্পিয়নছ ট্ৰফী আয়োজন কৰাৰ সম্ভাৱনা আছে। এই কথা পাকিস্তানৰ বিভিন্ন মাধ্যমত ইতিমধ্যে প্ৰকাশ পাইছে।
উল্লেখ্য যে ভাৰতীয় ক্ৰিকেট বোৰ্ডে (Board of Control for Cricket in India) হাইব্ৰিড মডেলত (In hybrid model) চেম্পিয়নছ ট্ৰফী খেলিব বিচাৰিছে (Wants to play the Champions Trophy)। অৰ্থাৎ পাকিস্তানে প্ৰতিযোগিতাখন আয়োজন কৰিব, কিন্তু ভাৰতে তেওঁলোকৰ মেচ আন দেশত খেলিব। বোৰ্ডৰ এগৰাকী বিষয়াই বৃহস্পতিবাৰে সংবাদ সংস্থা এ এন আইক জনাইছে যে বোৰ্ডে শ্ৰীলংকা বা ডুবাইত খেলিব বিচাৰে। কাৰণ হৈছে, সীমান্তত সন্ত্ৰাসবাদী আক্ৰমণৰ ধাৰাবাহিকতাৰ বাবে কেন্দ্ৰীয় চৰকাৰে ভাৰতীয় ক্ৰিকেট দলটোক পাকিস্তানলৈ প্ৰেৰণ কৰিবলৈ অনুমতি নিদিয়ে। যোৱা বছৰ এছিয়া কাপতো ঠিক এনেকুৱাই হৈছিল। পাকিস্তানে আয়োজন কৰিছিল এই প্ৰতিযোগিতা। কিন্তু ভাৰত দেশখনলৈ খেলিবলৈ যোৱা নাছিল। পিছত শ্ৰীলংকাক সহ-আয়োজক হিচাপে সংযোজন কৰা হয়। ভাৰতৰ আটাইকেইখন খেল শ্ৰীলংকাত অনুষ্ঠিত হৈছিল। যদিও পাকিস্তান মূল আয়োজক আছিল, কিন্তু ১৩ খন মেচৰ ভিতৰত মাত্ৰ চাৰিখনহে দেশখনত অনুষ্ঠিত হৈছিল। আনহাতে, শ্ৰীলংকাত ফাইনেলকে ধৰি ৯ খন মেচ অনুষ্ঠিত হৈছিল।
পাকিস্তান ক্ৰিকেট বোৰ্ডে যোৱা বছৰ ভাৰতৰ এই দাবী মানি লৈছিল। কাৰণ তেওঁলোকৰ হাতত কোনো বিকল্প নাছিল। ইফালে আৰ্থিকভাৱেও তেওঁলোক ভাৰততকৈ বহু তলত। ফলত আইচিচিৰ ওপৰত তেওঁলোকৰ প্ৰভাৱ অতি কম। আনহাতে, আই চি চিয়েও ভালদৰে জানে যে ভাৰত অবিহনে তেওঁলোক চলিব নোৱাৰে। কিয়নো গোটেই বছৰটোত আই চি চিয়ে যি ধন উপাৰ্জন কৰে, তাৰ মূল অংশ ভাৰতীয় বোৰ্ডৰ পৰা যায়। ফলত বিশ্ব ক্ৰিকেটত ৰাজত্ব কৰাটো ভাৰতৰ বাবে সুবিধাজনক।
কিন্তু এইবাৰ হয়তো হাইব্ৰিড মডেল নাথাকিব। পাকিস্তানৰ সংবাদ মাধ্যমে দাবী কৰিছে যে এইবাৰ ভাৰতৰ দাবীৰ ওচৰত আই চি চিয়ে হাৰ নামানে। ফলত যদি ভাৰতে পাকিস্তানত খেলিবলৈ নাযায়, তেন্তে ৰোহিত-কোহলী অবিহনেই চেম্পিয়নছ ট্ৰফী অনুষ্ঠিত কৰিব বুলি ভবা হৈছে। তেনে ক্ষেত্ৰত ভাৰতৰ সলনি খেলাৰ সুযোগ পাব শ্ৰীলংকাই।
অৱশ্যে এইবাৰ ভাৰতৰ ক্ষেত্ৰত আই চি চি নৰম নহ’বও পাৰে। এই বিষয়ত বিশ্লেষকসকলে মূলত দুটা যুক্তি দাঙি ধৰিছে। প্ৰথম, এখন বিশেষ দেশে (এই ক্ষেত্ৰত ভাৰত) কেৱল টকাৰ বলত সৰ্বোচ্চ সংস্থাটোৰ ওপৰত চাপ প্ৰয়োগ আছে, এই ছবিখন ক্ৰিকেটৰ বাবে বৰ শুভ নহয়। এই কাৰণেই আন খেলৰ তুলনাত ক্ৰিকেট লঘু হ’বলগা হয়। আনহাতে, চাৰি বছৰৰ পাচত ক্ৰিকেটে লছ এঞ্জেলছ অলিম্পিকত স্থান লাভ কৰে। ফলত ক্ৰিকেটৰ প্ৰচাৰ আৰু পৰিচিতি স্বাভাৱিকতে বাঢ়িব। তাৰ পূৰ্বে আই চি চিয়ে ভাৰতৰ কৰ্তৃত্ব কিছু পৰিমাণে হ্ৰাস কৰিব বিচাৰিছে।
