কৰিমগঞ্জত ৬৬ কোটি টকাৰ ইয়াবা টেবলেটসহ ত্ৰিপুৰাৰ ৩ যুৱকক গ্ৰেপ্তাৰ কৰা হয়। বদৰপুৰৰ লামাজুৱাৰত এই বিপুল পৰিমাণৰ ড্ৰাগছসহ (Drugs) গ্ৰেপ্তাৰ হয় ত্ৰিপুৰাৰ তিনি সৰবৰাহকাৰী।
![Narcotics seized in Tripura I ৬৬ কোটি টকা মূল্যৰ ইয়াবা টেবলেটসহ গ্ৰেপ্তাৰ ত্ৰিপুৰাৰ ৩ সৰবৰাহকাৰী 3 Narcotics seized in Tripura I](https://i0.wp.com/assamtimespost.in/wp-content/uploads/2024/03/Drugs1.png?resize=1020%2C574&ssl=1)
কৰিমগঞ্জৰ লামাজুৱাৰ জিলাৰ আৰক্ষী অধীক্ষক পাৰ্থপ্ৰতিম দাস আৰু অসম আৰক্ষীৰ আই জি পি পাৰ্থ সাৰথি মহন্তৰ নেতৃত্বত চলা ড্ৰাগছবিৰোধী অভিযানত আৰক্ষীয়ে গোপন সূত্ৰৰ পৰা লাভ কৰা তথ্যৰ ভিত্তিত এই সফলতা লাভ কৰে। অভিযানৰ সময়ত এখন বাহনত তালাচী চলোৱাত আৰক্ষীয়ে ২ লাখ ২০ হাজাৰ ইয়াবা টেবলেট উদ্ধাৰ কৰে।
আনহাতে, আৰক্ষীয়ে উদ্ধাৰ হোৱা ইয়াবা টেবলেটৰ সৈতে সৰবৰাহকাৰীক আটক কৰি বদৰপুৰ থানালৈ লৈ যায়। আৰক্ষীয়ে তেওঁলোকৰ বিৰুদ্ধে এন ডি পি এছ আইনৰ অধীনত গোচৰ ৰুজু কৰি তদন্ত অব্যাহত ৰাখিছে। এই সৰবৰাহৰ লগত আন কোনোবা জড়িত আছে নেকি সেই কথা জানিবলৈ আৰক্ষীয়ে তদন্ত অব্যাহত ৰাখিছে।