আজি অসম চৰকাৰৰ বিকাশ যাত্ৰা কাৰ্যসূচীৰ অধীনত পঞ্চমটো দিনত মুখ্যমন্ত্ৰী ডঃ হিমন্ত বিশ্ব শৰ্মা (Dr. Himanta Biswa Sarma)ই গুৱাহাটীত কেইবাটাও প্ৰকল্প মুকলি (Several projects inaugurated in Guwahati) তথা আধাৰশিলা স্থাপন (Laying the foundation stone) কৰে। উল্লেখযোগ্য যে এই প্ৰকল্পকেইটাৰ ব্যয় মূল্য হৈছে ১২০৮ কোটি টকা।
বিকাশ যাত্ৰাৰ অধীনত মুখ্যমন্ত্ৰীয়ে ব্ৰহ্মপুত্ৰৰ পাৰেৰে ভূতনাথৰ পৰা মাছখোৱা (Maskhowa from Bhoothnath)লৈকে এক বিকল্প পথ অৰ্থাৎ এলিভেটেড কৰিডৰ মুকলি (Opening of elevated corridor) কৰি। এই প্ৰকল্পটোত ব্যয় হৈছে ৩২৬ কোটি টকা। উল্লেখযোগ্য যে পৰৱৰ্তী সময়ত এই কৰিডৰটো গুৱাহাটী-উত্তৰ গুৱাহাটীৰ মাজত নিৰ্মাণ হৈ থকা ব্ৰহ্মপুত্ৰৰ ওপৰৰ দলংখনৰ সৈতে সংযোজিত হ’ব।
ইয়াৰ পূৰ্বে আজি মুখ্যমন্ত্ৰীয়ে আন দুটা প্ৰকল্পৰো আধাৰশিলা স্থাপন কৰে। তাৰে এটা হৈছে গৌৰীপুৰত এক টি-জাংচনৰ আধাৰশিলা স্থাপন কৰে। এই প্ৰকল্পটোৰ অধীনত গৌৰীপুৰত এটা গোলাকাৰ পথ চক্ৰ নিৰ্মাণ হ’ব। উৰণ সেতুৱে এই চক্ৰটো সৃষ্টি কৰিব।
ইয়াৰ উপৰি মুখ্যমন্ত্ৰীয়ে আজাৰত এখন ১০০ খন বিছনাযুক্ত চিকিৎসালয়ৰ আধাৰশিলা স্থাপন কৰে। ১১৬ কোটি টকা ব্যয়েৰে নিৰ্মাণ হ’বলগীয়া চিকিৎসালয়খনত ১৬ টা অত্যাৱশ্যকীয় স্বাস্থ্য সেৱা উপলব্ধ হ’ব।
