শনিবাৰে পুৱা ৮ বাজি ৩০ মিনিটিত খটখটী থানা (Khatkhati Police Station)ৰ অন্তৰ্গত লাহৰিজানত উদ্ধাৰ হয় এটা অচিনাক্ত ম়তদেহ (An unidentified dead body recovered in Lahrijan)৷ প্ৰাপ্ত খবৰ অনুসৰি আজি পুৱা ৩৯ নং ৰাষ্ট্ৰীয় ঘাই পথৰ লাহৰিজান ৰবি ওৱাইন শ্বপৰ সন্মূখৰ গাহৰি মাংসৰ দোকানত এটা অচিনাক্ত পুৰুষ লোকৰ মৃতদেহ পৰি থকাৰ খবৰ লাভ কৰি খটখটী আৰক্ষী ঘটনা স্থলীত উপস্থিত হৈ মৃতদেহটো উদ্ধাৰ কৰিবলৈ সক্ষম হয়৷
মৃতদেহটো ৪০-৫০ বছৰীয়া এজন পুৰুষ লোকৰ বুলি জানিব পৰা গৈছে৷ মৃতদেহটো আৰক্ষীয়ে কাৰ্যাবাহী দণ্ডাধীশৰ হতোৱাই চুৰৎহাল কৰাৰ পিছত ডিএমচিএইছত মৰণোত্তৰ পৰীক্ষা কৰি চিনাক্ত নোহোৱালৈকে মৰ্গত সংৰক্ষণ কৰি ৰখা হব বুলি আৰক্ষীৰ সূত্ৰত প্ৰকাশ৷
