সিংহাসনত বহাৰ ছমাহৰ ভিতৰতে কৰ্কট ৰোগত আক্ৰান্ত হয় ব্ৰিটেইনৰ ৰজা চাৰ্লছ (King Charles)। সোমবাৰে বাকিংহাম পেলেছে প্ৰকাশ কৰা অনুসৰি, চিকিৎসালয়ত শাৰীৰিক পৰীক্ষাৰ সময়ত তেওঁৰ শৰীৰত কৰ্কট ৰোগৰ উপস্থিতি ধৰা পৰে।
বাকিংহামে উক্ত চিকিৎসালয়তে চিকিৎসা আৰম্ভ কৰা বুলিও কয়। প্ৰথমতে শুনা গৈছিল যে চাৰ্লছ প্ৰষ্টেট কেন্সাৰত আক্ৰান্ত। কিন্তু ব্ৰিটিছ ৰজাৰ কাৰ্যালয়ৰ বিবৃতিত জনোৱা হৈছে যে তেওঁৰ শৰীৰত কৰ্কট ৰোগে বাহ লোৱা কাণ্ডটো এটা ‘পৃথক সমস্যা’।
অৱশ্যে চাৰ্লছ কেনে ধৰণৰ কৰ্কট ৰোগত আক্ৰান্ত হৈছে সেই বিষয়ে বিবৃতিটোত একো কোৱা হোৱা নাই। দ্বিতীয় ৰাণী এলিজাবেথৰ মৃত্যুৰ পিছত যোৱা মে’ মাহত ৱেষ্টমিনিষ্টাৰ এবেত চাৰ্লছৰ সিংহাসনত বহাৰ ৰাজকীয় প্ৰক্ৰিয়া আৰম্ভ হয়। ৮ ছেপ্টেম্বৰত ইংলেণ্ডৰ সিংহাসনত বহিছিল তৃতীয় চাৰ্লছ। ‘ছেইণ্ট এডৱাৰ্ডছ ক্ৰাউন’ পিন্ধি ৰাজ অভিষেক ঘটাৰ ছমাহৰ ভিতৰতে তেওঁৰ কৰ্কট ৰোগ ধৰা পৰে।
