৭৫ সংখ্যক গণৰাজ্য দিৱসৰ লগত সংগতি ৰাখি কাৰবি আংলং জিলা প্ৰশাসনৰ উদ্যোগত আজি ডিফু ক্লাৱ (Diphu Club)ত দেশ প্ৰেমমূলক বহু ভাষিক কবি সন্মিলন (Patriotic Multi-lingual Poets’ Conference) অনুষ্ঠিত কৰা হয়৷ কবি সন্মিলনটি বন্তি প্ৰজলন আৰু শুভ উদ্ধোধন কৰে বিশিষ্ট কবি সাহিত্যিক পদ্মশ্ৰী ধনেশ্বৰ ইংতিয়ে৷ কাৰবি আংলং জিলা আয়ুক্ত মধুমিতা ভাগৱতীয়ে বহু ভাষিক কবি সন্মিলনটিৰ আদৰণি ভাষণ প্ৰদান কৰে৷
স্বৰ্ণালী গগৈ বৰা আৰু শৰৎ পাটৰে আঁত ধৰা গাম্ভীৰ্যপূৰ্ণ সন্মিলনটিত কাৰবি আংলঙৰ বিভিন্ন প্ৰান্তৰ প্ৰায় ৩০ গৰাকী নৱীন-প্ৰৱীণ কবিয়ে নিজ নিজ ভাষাত দেশ প্ৰেমমূলক কবিতা আবৃত্তি কৰি সন্মিলনটি জীপাল কৰি তোলে৷ সন্মিলনৰ অন্তত জিলা প্ৰশাসনৰ তৰফৰ পৰা সন্মিলনটিত অংশগ্ৰহণ কৰা কবি সকলক একোখনকৈ প্ৰশংসা পত্ৰ প্ৰদান কৰে৷
