অৱশেষত বহু প্ৰতীক্ষিত সময় আহি দুৱাৰদলিত উপনীত হৈছে। আৰু মাত্ৰ কেইদিনমান পিছতে অযোধ্যাত প্ৰাণ প্ৰতিষ্ঠা হ’ব ৰামলালাৰ। ২২ জানুৱাৰীত উদ্বোধন (Inauguration on January 22) কৰা হ’ব ৰাম মন্দিৰ (Ram Mandir)। ইয়াৰ পূৰ্বে মন্দিৰৰ দায়িত্বত থকা শ্ৰীৰাম জন্মভূমি তীৰ্থ ক্ষেত্ৰ ট্ৰাষ্টে প্ৰকাশ কৰিছে ৰাম মন্দিৰ সন্দৰ্ভত কিছু তথ্য। ন্যাসে জনোৱা মতে, মন্দিৰ নিৰ্মাণৰ বাবে এই পৰ্যন্ত প্ৰায় ১৮০০ কোটি টকা ব্যয় (Cost of construction of the temple is around Rs 1800 crore) কৰা হৈছে।
কিন্তু ইমান বৃহৎ খৰচ কেনেকৈ সম্ভৱ হ’ল?ৰাম মন্দিৰ নিৰ্মাণৰ বাবে গেৰুৱা শিবিৰৰ সংগঠন বিশ্ব হিন্দু পৰিষদে দেশৰ প্ৰায় ৪ লাখ গাঁৱৰ পৰা অনুদান সংগ্ৰহ কৰা বুলি জানিবলৈ দিয়ে। ১১ কোটি নাগৰিকে ইয়াৰ বাবে সাহায্য আগবঢ়াইছে (11 crore citizens have provided assistance)। আনহাতে, বহিঃৰাষ্ট্ৰৰ পৰাও অনুদান আহিছে।
বিশ্ব হিন্দু পৰিষদৰ শাখা ‘ৰাম জন্মভূমি তীৰ্থক্ষেত্ৰ অভিযান গোট’-এ দেশৰ বিভিন্ন প্ৰান্তৰ পৰা অনুদান সংগ্ৰহ কৰিছে। সূত্ৰ অনুসৰি, কাশী আৰু প্ৰয়াগৰাজৰ ভিক্ষুকসকলেও ৰাম মন্দিৰ নিৰ্মাণৰ বাবে প্ৰায় ৪ লাখ টকা অনুদান আগবঢ়ায়। কিছুদিন আগলৈকে ৰাম মন্দিৰ ট্ৰাষ্টে মাহিলি ১ কোটি টকা অনুদান লাভ কৰিছিল। প্ৰবাসী ভাৰতীয়সকলেও ট্ৰাষ্টৰ বেংক একাউণ্টত বৰঙণি আগবঢ়াইছে।
ৰাম মন্দিৰ ট্ৰাষ্টৰ সাধাৰণ সম্পাদক সম্পট ৰায়ে কয় যে তেওঁলোকৰ অযোধ্যাত তিনিটা বেংক একাউণ্ট আছে। তাতেই অনুদানৰ ধন জমা হয়। অহা ২২ জানুৱাৰীত ৰাম মন্দিৰত স্থাপন কৰা হ’ব ৰামলালাৰ মূৰ্তি। ২২ জানুৱাৰীত প্ৰধানমন্ত্ৰী নৰেন্দ্ৰ মোডীয়ে উদ্বোধন কৰিব মন্দিৰটো।
শ্ৰীৰাম জন্মভূমি তীৰ্থক্ষেত্ৰৰ উদ্যোগত নিধি সমৰ্পণ অভিযান (পুঁজি সংগ্ৰহ অভিযান) ২০২১ চনৰ ২৭ ফেব্ৰুৱাৰীৰ পৰা আৰম্ভ হয়। শ্ৰী ৰামসেনাৰ সভাপতি দেৱেন্দ্ৰনাথ দাসে কয়, “আমি এজন ব্যক্তিৰ ধনেৰে ৰাম মন্দিৰ নিৰ্মাণ নকৰো, বৰঞ্চ ভাৰতবাসীৰ সহায়ত ৰাম মন্দিৰ নিৰ্মাণ কৰিম। যাতে ৰাম মন্দিৰ নিৰ্মাণৰ পিছত মানুহে যুগ যুগ ধৰি ক’ব পাৰে যে প্ৰতিটো ইটা ভাৰতৰ জনসাধাৰণৰ সহায়ত নিৰ্মাণ কৰা হৈছে।”
উল্লেখযোগ্য যে তদানীন্তন ৰাষ্ট্ৰপতি ৰামনাথ কোবিন্দে নিজে ৫ লাখ ১০০ টকা অনুদান হিচাপে দিছে। আনহাতে, গুজৰাটৰ ধৰ্মীয় গুৰু মোৰাৰী বাপুৱে ১১ কোটি টকা আগবঢ়াইছে। গৌতম গম্ভীৰে ১ কোটি টকা অনুদান দিছে। ইয়াৰ উপৰি প্ৰায় ৮ কোটি টকা আহিছে ব্ৰিটেইন, আমেৰিকা, কানাডাৰ প্ৰবাসী ভাৰতীয়সকলৰ পৰা।
