
বহু প্ৰতীক্ষিত ৰাম মন্দিৰৰ (Ram Mandir) শুভ উদ্বোধন তথা প্ৰাণ প্ৰতিষ্ঠা অনুষ্ঠান অহা ২২ জানুৱাৰীত অযোধ্যাত অনুষ্ঠিত হ’বলৈ গৈ আছে। ইয়াৰ বাবে শ্ৰীৰাম জনমভূমি ন্যাসে ব্যাপক আয়োজন কৰিছে।

আনহাতে, এই দিনটো অসম চৰকাৰৰ তৰফৰ পৰাও বিশেষভাৱে পালনৰ ব্যৱস্থা কৰিছে। তাৰেই অংশ হিচাপে অহা ২২ জানুৱাৰীত ৰাজ্যত ড্ৰাই ডে ঘোষণা কৰা হৈছে।
ৰাম মন্দিৰ উদ্বোধনৰ সন্মানত সিদিনাখন বন্ধ থাকিব ৰাজ্যৰ সকলো সুৰা বিপনী তথা বাৰ। এই সিদ্ধান্ত ৰাজ্যিক কেবিনেটতো গৃহীত কৰা হৈছে। দেওবাৰে নিশা কেবিনেটত গ্ৰহণ কৰা এই সিদ্ধান্তৰ বিষয়ে মুখ্যমন্ত্ৰীয়ে এক্সত প্ৰকাশ কৰিছে।











