এছ টি এফ আৰু কামৰূপ আৰক্ষীৰ দলৰ এক বৃহৎ সফলতা। শেহতীয়াকৈ উত্তৰ গুৱাহাটী ভেটামুখৰ নয়নপাৰাত দলটোৱে দুগৰাকী ড্ৰাগছ সৰবৰাহকাৰী সহ ১৫ কোটি টকাৰ ড্ৰাগছ জব্দ কৰিবলৈ সক্ষম হয়।
জানিব পৰা মতে, এক গোপন সূত্ৰৰ পৰা লাভ কৰা তথ্য অনুসৰি এছ টি এফৰ ডি আই জি পাৰ্থসাৰথি মহন্তই AS-25-EC 4464 নম্বৰৰ এখন টাটা ডি আই বাহন খনত মণিপুৰৰ পৰা আমিনগাঁও-উত্তৰ গুৱাহাটী মুখে ড্ৰাগছ লৈ আহি থকাৰ খবৰ পাই এছ টি আৰ এফৰ এটি দলে কামৰূপ আৰক্ষীৰ সহযোগিতাৰে গাড়ীখনৰ পিছ লৈ ভেটামুখৰ নয়নপাৰাত গাড়ীখন জব্দ কৰে।
গাড়ীৰ পৰা ড্ৰাগছ সৰবৰাহ দুজন পিতনিৰে পলাই যায় যদিও দলটোৱে অৱশেষত সৰবৰাহকাৰী দুজনক আটক কৰে। গাড়ীখনত দলটোৱে ১৩৫ টা বাকচত ১৫ কোটি টকাৰ বজাৰ মূল্যৰে ড্ৰাগছখিনি জব্দ কৰে।
ধৃত ড্ৰাগছ সৰবৰাহকাৰী দুজন হৈছে চনু আলি আৰু অৰ্জুন বাছফো। দুয়োজনৰে ঘৰ জালুকবাৰীৰ গাড়ীগাৱত।ড্ৰাগছ সৰবৰাহৰ মাষ্টাৰ মাইন ধন আলী ওৰফে বগামূলা এতিয়াও পলাতক অবস্থাত আছে বুলি আক্ৰক্ষীয়ে জানিব দিছে। পলাতক ধন আলিৰ ঘৰ চাংসাৰিৰ চিলাত।
