মঙলবাৰে অসমৰ চুবুৰীয়া ৰাজ্য মিজোৰামত অনুষ্ঠিত হ’ব এটা পৰ্যায়ত বিধানসভা নিৰ্বাচন (Assembly elections in Mizoram in a single phase on Tuesday)। আনহাতে, মঙলবাৰে ছত্তীশগড়তো অনুষ্ঠিত হ’ব প্ৰথম পৰ্যায়ৰ ভোট গ্ৰহণ (Chhattisgarh will also go to polls in the first phase.)। উল্লেখযোগ্য যে ২০২৪ চনৰ লোকসভা নিৰ্বাচনলৈ কেইমাহমান বাকী থকা অৱস্থাত ৫খন ৰাজ্যত নিৰ্বাচন অনুষ্ঠিত হ’ব ওলাইছে।
নৱেম্বৰ মাহত দেশৰ ৫ খন ৰাজ্যৰ বিধানসভা নিৰ্বাচন হʼলে উক্ত ৰাজ্যকেইখনৰ জনসাধাৰণে অহা ৫ বছৰলৈ কোন ৰাজনৈতিক দলৰ ওপৰত আস্থা ৰাখিব সেয়া ৩ ডিচেম্বৰত জানিব পৰা যাব। বিগত কেইদিনমানৰ পৰা সকলো দলৰ প্ৰস্তুতি অতি তীব্ৰ গতিত আছে।
প্ৰাৰ্থী তালিকা নিৰ্বাচনৰ পৰা ইস্তাহাৰ প্ৰকাশ, প্ৰতিটো দলেয়ে বিভিন্ন প্ৰতিশ্ৰুতি প্ৰদান কৰিছে। প্ৰায় গোটেই নৱেম্বৰ মাহটোত ৫ খন ৰাজ্যত ভোটদান হ’ব। নিৰ্বাচনৰ পূৰ্বে ছত্তীশগড়ত তিনি খলপীয়া নিৰাপত্তাৰ ব্যৱস্থা কৰা হৈছে। প্ৰায় ৬০ হাজাৰ নিৰাপত্তাৰক্ষী নিয়োগ কৰা হৈছে। ইয়াৰ ভিতৰত কেন্দ্ৰীয় সশস্ত্ৰ আৰক্ষী ৪০ হাজাৰ, ৰাজ্যিক আৰক্ষী ২০ হাজাৰ।
ৰাজ্যখনত অনুষ্ঠিত হʼবলগীয়া প্ৰথম পৰ্যায়ৰ বিধানসভা নিৰ্বাচনত ৭ নৱেম্বৰত ২০টা সমষ্টিত বিধানসভা নিৰ্বাচন অনুষ্ঠিত হ’ব। আনহাতে, ১৭ নৱেম্বৰত ৭০টা সমষ্টিত দ্বিতীয় পৰ্যায়ৰ ভোটগ্ৰহণ অনুষ্ঠিত হ’ব। ইফালে ৭ নৱেম্বৰত মিজোৰামত ভোটদান হ’ব। ইয়াৰ উপৰি তেলেংগানাত ভোটগ্ৰহণ ৩০ নৱেম্বৰত। ১৭ নৱেম্বৰত মধ্যপ্ৰদেশ আৰু ২৫ নৱেম্বৰত ৰাজস্থানৰ নিৰ্বাচন।
