মণিপুৰ-ম্যানমাৰ সীমান্তৰ ম’ৰেত কুকি উগ্ৰপন্থীৰ আক্ৰমণত (Kuki militant attack in Moreh) এছডিপিঅ’ আনন্দ কুমাৰ নিহত (SDPO Anand Kumar killed) হয়। ঘটনাটোৰ পৰিপ্ৰেক্ষিতত যুটীয়া বাহিনীয়ে এক বিশেষ অভিযান চলাই কমেও ৩২ জন ম্যানমাৰৰ নাগৰিকক গ্ৰেপ্তাৰ (32 Myanmar nationals arrested) কৰে। তেওঁলোকৰ দহজনক বিমানেৰে ইম্ফললৈ লৈ যোৱা হয় আৰু জেৰা কৰা হয়। বাকী ২২ জনক ম’ৰে আৰক্ষী থানাত সোধাপোছা কৰা হৈছে।
আজি মিজোৰামত অনুষ্ঠিত এখন বৈঠকত প্ৰতিৰক্ষা মন্ত্ৰী ৰাজনাথ সিঙে কয়, “উত্তৰ-পূব বিগত ন বছৰ ধৰি শান্তিপূৰ্ণ হৈ আছে। কিন্তু মণিপুৰত যি ঘটিছে সেয়া দুখজনক। হিংসাই সমাধান আনিব নোৱাৰে। কুকি আৰু মেইটেইক তেওঁলোকৰ শত্ৰুতাক আঁতৰাই ৰাখি শান্তি পুনৰুদ্ধাৰ আৰু সমাধান বিচাৰি একেলগে বহিবলৈ আৰু সকলো অভিযোগ আৰু দাবীৰ ওপৰত মুখামুখি আলোচনা আৰম্ভ কৰিবলৈ আহ্বান জনোৱা হৈছে।” তেওঁ লগতে কয়, “যেতিয়া মণিপুৰৰ পৰিস্থিতিৰ অৱনতি ঘটিছিল, কংগ্ৰেছে ইয়াক লৈ ৰাজনীতি খেলি ইয়াৰ সুযোগ ল’বলৈ চেষ্টা কৰিছিল। “
উল্লেখযোগ্য যে বুধবাৰে নিশা পুনৰ ইম্ফলত মুখ্যমন্ত্ৰীৰ কাৰ্যালয়ৰ ওচৰত এখন আৰক্ষী থানা ঘেৰাও কৰে আৰু অস্ত্ৰ-শস্ত্ৰ লুটিবলৈ চেষ্টা কৰে জনসাধাৰনে। পৰিস্থিতি নিয়ন্ত্ৰণ কৰিবলৈ আৰক্ষীয়ে শূন্যলৈ গুলীচালনা কৰে। বাহিনীৰ মতে, যুৱ সংগঠন আৰামবাই টেংগল গ্ৰুপৰ সদস্যসকলে জনতাক নেতৃত্ব দিছিল। তেওঁলোকে দাবী কৰিছিল যে ম’ৰেত আনন্দ কুমাৰৰ মৃত্যুৰ পাছতো বীৰেন সিং চৰকাৰে সঠিক ব্যৱস্থা গ্ৰহণ কৰা নাছিল। নিশা ১ নম্বৰ মণিপুৰ ৰাইফলছ কমপ্লেক্সৰ ফালৰ পৰাও গুলীৰ শব্দ শুনা গৈছিল।
উল্লেখযোগ্য যে আনন্দ কুমাৰক কুকি উগ্ৰপন্থীয়ে গুলীয়াই হত্যা কৰাৰ পিছত উগ্ৰপন্থীসকলে তালৈ প্ৰেৰণ কৰা অতিৰিক্ত বাহিনীকো আক্ৰমণ কৰিছিল। আন তিনিজন সৈনিক আহত হয় আৰু চিকিৎসালয়ত ভৰ্তি হয়। তেওঁলোক হৈছে হেড কনিষ্টবল এছ থুইকাভাং, কনিষ্টবল এছ শেখৰজিৎ আৰু এল বঙ্কিম সিং। ঘটনাটোৰ পিছত কেইবাটাও গুলীয়াগুলীৰ ঘটনা সংঘটিত হয়। আনন্দই তেওঁৰ পত্নী, তিনিজন পুত্ৰ আৰু এজনী কন্যাক এৰি থৈ গৈছে। যদিও চৰকাৰে তেওঁৰ নিকটাত্মীয়ৰ চাকৰি আৰু পৰিয়ালক ৫০ লাখ টকাৰ ক্ষতিপূৰণ ঘোষণা কৰিছে, আনন্দৰ পৰিয়াল আৰু যুটীয়া মঞ্চই কৈছে যে হত্যাকাৰী ধৰা নপৰালৈকে তেওঁলোকে মৃতদেহটো ঘূৰাই নিনিয়ে।
