মণিপুৰত হিংসা (Manipur violence) বন্ধ হোৱাৰ যেন নামেই লোৱা নাই। বিগত কেইমাহমানৰ পৰা ৰাজ্যখনৰ কেইবাটাও অঞ্চল অস্থিৰ হৈ আছে। ঘৰ জ্বলিছে, ১৬০ জন লোকে প্ৰাণ হেৰুৱাইছে। তাৰ মাজতে ৰাজ্যখন পুনৰ অশান্ত হৈ পৰিছে। সংবাদ সূত্ৰ অনুসৰি, মঙলবাৰে পুৱা মণিপুৰৰ কাংগোপকী জিলাত কুকি-জো জনগোষ্ঠীৰ ৩ জন লোকক গুলীয়াই হত্যা (3 people from Kuki-Jo tribe shot dead) কৰা হয়।
এই ঘটনা সন্ত্ৰাসবাদীৰ দিশে আঙুলিয়াই দিছে। অভিযোগ অনুসৰি, ইম্ফল পশ্চিম আৰু কাংগোপকী জিলাৰ সীমান্তৱৰ্তী অঞ্চলৰ ইৰেং আৰু কৰমৰ মাজৰ অঞ্চলত হঠাতে এখন গাড়ীত থকা একাংশ দুষ্কৃতিকাৰীয়ে আহি গাঁওবাসীক আক্ৰমণ কৰে। তিনিজন লোকক গুলীয়াই হত্যা কৰাৰ পিছত পলায়ন কৰে। আনহাতে, মণিপুৰ চৰকাৰে প্ৰেছ ষ্টীকাৰ, ভেষ্ট আৰু জেকেটৰ ব্যৱহাৰ কটকটীয়া কৰি তুলিছে। প্ৰশাসনৰ মতে, এই কঠোৰতাৰ কাৰণ হৈছে ইয়াৰ অপব্যৱহাৰ ৰোধ কৰা।
