নতুন বিতৰ্কত দিল্লীৰ মুখ্যমন্ত্ৰী অৰবিন্দ কেজৰিৱাল (Arvind Kejriwal)। দিল্লীৰ উপ-ৰাজ্যপাল ভি কে ছাক্সেনাই (V K Saxena) জনোৱা মতে, কেজৰিয়ে বিপুল ধন খৰচ কৰি নিজৰ চৰকাৰী বাসগৃহটো সংস্কাৰ কৰিছে। সেই অভিযোগৰ ভিত্তিত মঙলবাৰে কেন্দ্ৰীয় গৃহ মন্ত্ৰালয়ে এই ঘটনা সন্দৰ্ভত অডিট ৰিপোৰ্ট বিচাৰে।
কিছু মাহ পূৰ্বে বিজেপিয়ে আম আদমি পাৰ্টিৰ মুৰব্বী কেজৰীয়ে চৰকাৰী গৃহ নিৰ্মাণৰ বাবে বিপুল পৰিমাণৰ ধন ব্যয় কৰা বুলি অভিযোগ উত্থাপন কৰিছিল। ইয়াৰ পিছতে দিল্লীৰ লেফটেনেণ্ট গভৰ্ণৰে অভিযোগ সন্দৰ্ভত তদন্তৰ প্ৰতিবেদন বিচাৰে। প্ৰতিবেদন অনুসৰি, ৫২.৭১ কোটি টকা ব্যয় কৰা হৈছে বাসগৃহৰ লগতে বাসগৃহ চৌহদত থকা অন্যান্য ঘৰসমূহৰ পুনৰ নিৰ্মাণৰ বাবে। দিল্লীৰ ৰাজহুৱা কাম-কাজ বিভাগৰ অনুমোদন সাপেক্ষে সকলো কাম কৰা হৈছে।
এই তদন্তৰ প্ৰতিবেদনক আহিলা হিচাপে ব্যৱহাৰ কৰি অমিত শ্বাহে মন্ত্ৰালয়লৈ লিখিছে যে দিল্লীৰ ৬, ফ্লেগ ষ্টাফ ৰোডত থকা মুখ্যমন্ত্ৰীৰ বাসগৃহ পুনৰ নিৰ্মাণৰ বাবে ৩৩ কোটি ৪৯ লাখ টকা ব্যয় কৰা হৈছে। আৰু মুখ্যমন্ত্ৰীৰ নিৰাপত্তাৰ অধীনত বিষয়াসকলৰ ঘৰ নিৰ্মাণৰ বাবে ১৯ কোটি ২২ লাখ টকা ব্যয় কৰা হৈছে। প্ৰতিবেদনত আৰু দাবী কৰা হৈছে যে ১৯৪২-৪৩ চনৰ পৰাই সেই স্থানত এটা বাংলো আছিল।
পিছত দিল্লীৰ মুখ্যমন্ত্ৰীক আবণ্টন দিয়া হয়। কিন্তু কেজৰীয়ে কয় যে বাংলোটো ‘বসবাসৰ অনুপযোগী’ হৈ পৰিছে। ইয়াৰ পিছত নিৰ্মাণ বিভাগে পুৰণি বাংলো ভাঙি নতুন বাসগৃহ নিৰ্মাণৰ প্ৰস্তাৱ আগবঢ়ায়। ২০২০ চনত পুৰণি অট্টালিকাৰ কাষতে নিৰ্মাণ হয় মুখ্যমন্ত্ৰীৰ নতুন বাসগৃহ।
