অশান্ত মণিপুৰত (Disturbed Manipur) সেনাই বন্দী কৰা ১২ জন সশস্ত্ৰ বিদ্ৰোহীক (Captured armed rebels) মেইটেই জনগোষ্ঠীৰ মহিলাই (Meitei tribe Women) সেনাৰ হাতৰ পৰা মুকলি (released from the hands of the army) কৰি লৈ যায়।
শনিবাৰে মাজনিশা সেনাই তেওঁলোকক ‘মুক্তি’ দিয়া হৈছে বুলি ঘোষণা কৰে। যিসকলক মুকলি কৰি দিয়া হৈছে তেওঁলোকক সেনাই ‘উগ্ৰপন্থী’ বুলি অভিহিত কৰিছে।
জানিব পৰা মতে, এই সশস্ত্ৰ ব্যক্তিসকল এটা বিচ্ছিন্নতাবাদী সংগঠনৰ সদস্য। যাৰ কেন্দ্ৰ হৈছে ম্যানমাৰ। মেইটেইৰ ইথাম গাঁৱৰ পৰা গ্ৰেপ্তাৰ কৰা হয় তেওঁলোকক। কিন্তু শনিবাৰে প্ৰায় ১৫০০ মহিলাই সেনা জোৱানক মুক্তিৰ দাবীত ঘেৰি ধৰে আৰু সামৰিক কৰ্তৃপক্ষই তেওঁলোকক মুকলি কৰি দিবলৈ বাধ্য হয়।
‘উগ্ৰপন্থী’ক মুক্তিৰ দাবীত প্ৰতিবাদ সাব্যস্ত কৰা জনসমাগমৰ অধিকাংশই মহিলা বুলিও সেনাই প্ৰকাশ কৰে। মণিপুৰত সংঘটিত হিংসাত্মক ঘটনা সন্দৰ্ভত টুইটাৰত নিয়মীয়াকৈ আপডেট দি অহা সেনাৰ ‘স্পিয়াৰ কোৰ’-এ প্ৰতিবাদকাৰীসকলক ‘আগ্ৰাসী গোট’ বুলি অভিহিত কৰিছে।
সেনাৰ এক বিবৃতিত কোৱা হৈছে যে প্ৰায় দিনটো প্ৰতিবাদকাৰীৰ সৈতে মুখামুখী সংঘৰ্ষৰ অন্তত তেওঁলোকে সিদ্ধান্ত লয় যে সাধাৰণ নাগৰিকৰ জীৱন বিপদত পেলোৱা উচিত নহয় আৰু বন্দী ‘উগ্ৰপন্থী’সকলক মুকলি কৰি দিয়া হʼব।
